Azərbaycan Milli Elmlər Akademiyası nəzdində Respublika Seysmoloji Xidmət Mərkəzin Azərbaycanda baş verən zəlzələ ilə bağlı məlumat yayıb. Məlumata görə, noyabrın 15-də saat 23.48-də Ağdam rayonu ərazisində zəlzələ qeydə alınıb.
25 km dərinlikdə baş verən yeraltı təkanın gücü episentrdə 6 bal, yaxın yaşayış məntəqələrində isə 5-3 bala qədər hiss olunub.
00:14
Azərbaycanda zəlzələnin episentri Bərdə rayonu olub. Modern.az xəbər verir ki, Avropa Aralıq Dənizi Seysmologiya Mərkəzinin məlumatına görə, yerli vaxtla 23:49-da qeydə alınan 5.1 bal gücündə yeraltı təkanların episentri Bərdə rayonu olub. Zəlzələnin ocağı 9.7 kilometr dərinlikdə yerləşib.
23:51
Azərbaycanda zəlzələ olub. Modern.az xəbər verir ki, yeraltı təkanlar əsasən aran rayonlarında hiss edilib.
Bərdə və Ağdam sakinlərinin məlumatına görə, yeraltı titrəyiş 1 dəqiqəyə yaxın davam edib. Yeraltı təkanlar Bərdədə 5.1 bal gücündə olub.
Qeyd edək ki, Azərbaycan Milli Elmlər Akademiyası nəzdində Respublika Seysmoloji Xidmət Mərkəzi zəlzələ ilə bağlı hər hansı məlumat açıqlamayıb.
