Noyabrın 15-də saat 23.48-də Ağdam rayonunda, noyabrın 16-da saat 02:02:27-də Bərdə rayonu ərazisində zəlzələ qeydə alınıb. 25 km dərinlikdə baş verən yeraltı təkanın gücü episentrdə 6 bal, yaxın yaşayış məntəqələrində isə 5-3 bala qədər hiss olunub.
Respublika ərazisində qeydə alınan zəlzələ nəticəsində Ağdam, Tərtər, Bərdədə çox sayda ev, məktəb, ticarət obyektinə ciddi ziyan dəyib. Dəymiş ziyanın hesablanması üçün rayonlarda xüsusi komissiya yaradılıb.
Qeyd edək ki, yeraltı təkanlar nəticəsində Tərtər rayonun İsmayılbəyli və Evoğlu kəndlərindəki evlər daha çox zərər görüb.
İsmayılbəyli kəndinin sakinlərinin Modern.az-a verdiyi məlumata görə, zəlzələ nəticəsində zərər görməyən ev yoxdur. Həmçinin, kənddəki orta məktəb yeraltı təkanlar nəticəsində yararsız vəziyyətə düşüb.
Modern.az fəaləkət yerindən yeni fotoları təqdim edir:
