Bu gün - noyabrın 17-də saat 17:28 radələrində Tərtərdə növbəti dəfə zəlzələ qeydə alınıb. Bu barədə Modern.az-a Tərtərin İsmayılbəyli kənd sakinləri məlumat veriblər.
Sakinlərin bildirdiyinə görə, əhali arasında təşviş yaranıb, bəzi sakinlər evlərini tərk ediblər. Məlumata görə, noyabrın 16-da baş vermiş zəlzələ zamanı zərər görmüş evlər daha pis vəziyyətə düşüb.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin məlumatına görə, zəlzələ əsasən Ağdam və Bərdədə qeydə alınıb. Zəlzələnin 3-4 bal gücündə olduğu bildirilib.
"Maqnitudası 4.7, dərinliyi 25 km olan zəlzələ episentrdə 4 bal, yaxın yaşayış məntəqələrində 3 bala qədər hiss olunub",- deyə Mərkəzdən bildirilib.
