Göygöldə ağır yol qəzası olub. Modern.az "Report"a istinadən xəbər verir ki iki avtomobilin toqquşması nəticəsində 1 nəfər ölüb, 6 nəfər yaralanıb.
Qəza zamanı xəsarət almış yaralılardan biri - 1993-cü il təvəllüdlü Elxan İntizam oğlu Nəbiyev xəstəxanada dünyasını dəyişib.
Digər yaralılar - 1986-cı il təvəllüdlü Asim Xıdırov və onun həyat yoldaşı - 1988-ci il təvəllüdlü Vəfa Xıdırova, onların az yaşlı övladları, habelə sürücünün qardaşı - 1978-ci il təvəllüdlü Əziz Xıdırov, eləcə də digər avtomobildə olan Feyman Mirzəyev və 1965-ci il təvəllüdlü İsmail Əmirov müxtəlif dərəcəli bədən xəsarətləri alaraq xəstəxanaya yerləşdiriliblər.
İlkin məlumata görə, qəzaya yüksək sürət səbəb olub.
Faktla bağlı Göygöl Rayon Polis Şöbəsində araşdırma aparılır.