Modern.az

Yol polisi daha çox cərimə ilə daha çox “bonus” qazanır

Yol polisi daha çox cərimə ilə daha çox “bonus” qazanır

21 Noyabr 2017, 08:43

“Yol hərəkəti haqqında” qanunun müddəalarının pozulmasına görə, fiziki və hüquqi şəxslər tərəfindən ödənilən cərimələrdən daxil olan vəsaitin 25 faizi Daxili İşlər Nazirliyinin yol patrul xidmətini həyata keçirən və yol hərəkətinin tənzimlənməsinə cəlb olunan əməkdaşlarının aylıq vəzifə maaşlarına əlavə olunur.

Ərazi üzrə təhkim olunmuş yol polisi əməkdaşları gün ərzində “Yol hərəkəti haqqında” Qanunun tələblərini pozan sürücülərə müxtəlif cərimələr yazır, yaxud da yerində cərimə tətbiq etməklə inzibati protokol tərtib edirlər. Polislərə yazılan 25 faizlik “bonus” gün ərzində onları daha çox cərimə yazmağa sövq edir. Bu minvalla onlar daha çox cərimə yazmağa və “bonus” qazanmağa çalışırlar. Şərti olsa da, deyə bilərik ki, yol polisi “plana” işləyir.

Bakı Şəhər Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polkovnik Vaqif Əsədov Modern.az-a açıqlamasında bu fikirlə qəti surətdə razılaşmır:

“Siz düşünürsüznüz ki, biz plan qoymuşuq?! Bu belə deyil. Ümumiyyətlə, bu sualın təbliğata aidiyyatı yoxdur”.

V.Əsədov deyib ki, müəyyən olunan cərimələrdən daxil olan vəsaitin 25 faizinin polis əməkdaşının maaşına yazılması bu iddiaları səsləndirməyə əsas vermir. 

Instagram
Gündəmdən xəbəriniz olsun!
Keçid et
Hərbi gəmilər döyüşə hazır vəziyyətə gətirildi