Qarabağa qanunsuz səfərlər təşkil edən Booking.com saytına qarşı kampaniyaya start verilib. Bu barədə məlumatı Modern.az-a diaspor üzrə araşdırmaçı jurnalist Elnur Eltürk verib. “Kampaniyaya strart verən Niderlandda yaşayan EuroAz.NL saytının təsisçisi, blogger Emil Əliyev bütün dünyanı əhatə edən booking.com saytına qarşı etiraz kampaniyasını effektiv şəkildə aparılacağını qeyd edib. Saytın elektron ünvanlarına əsasən ingilis və ya fərqli dillərdə etiraz məktubları göndəriləcək”.
QEYD: Niderlandın dünyaca məşhur Booking.com saytı Ermənistan tərəfindən işğal olunmuş Azərbaycan ərazilərində yerləşən otellərə xidmət göstərdiyini bəyan edib. Hazırda booking.com saytından işğal altında olan Dağlıq Qarabağa otel sifariş etmək olar.
