Hindistanın Uttar Pradeş əyalətində sərnişin qatarının 11 vaqonunun relsdən çıxması nəticəsində 3 nəfər ölüb.
Modern.az xarici KİV-ə istinadən xəbər verir ki, polisin sözçüsü Pratap Yadav Patna şəhərinə gedən sərnişin qatarının 17 vaqonundan 11-nin Manikpura stansiyası yaxınlığında relsdən çıxdığını açıqlayıb.
Yadav qəza nəticəsində 3 nəfərin öldüyünü, 13 nəfərin isə yaralandığını deyib.
Dəmiryolunun əməkdaşı Anan Kumar relsdəki bir sınıq səbəbilə meydana gəldiyi ehtimal olunan qəza ilə araşdırma aparıldığını deyib.