“VTB Azərbaycan” bankının Müşahidə Şurasının sədri vəzifəsinə Bank VTB (PSC) idarə heyəti sədrinin müavini Denis Aleksandroviç Bortnikov seçilib.
Bu barədə Modern.az-a “VTB Azərbaycan”-dan məlumat verilib.
Denis Aleksandroviç 20 ildən artıqdır ki, bank sahəsində və bu müddətin 11 ilini VTB Qrupda çalışır. O, ali təhsilini Sankt-Peterburq İqtisadiyyat və maliyyə universitetində alıb və 1996-cı ildə universiteti “milli iqtisadiyyat” ixtisası üzrə bitirib.
Aleksandroviç Sankt-Peterburq Dövlət İqtisadiyyat Universitetinin qəyyumluq və “Leninqrad vilayətinin ticari-sənaye palatası” Assosiasiyasının şuralarına daxildir.
Qeyd edək ki, Denis Bortnikov Rusiya Federal Təhlükəsizlik Xidmətinin (FTX) rəhbəri Aleksandr Bortnikovun oğludur.