Noyabrın 20-də Prezident İlham Əliyev Goranboy rayonuna gedib. Dövlət başçısı şəhərin mərkəzində salınmış Heydər Əliyev parkında görkəmli dövlət xadiminin abidəsini ziyarət edərək gül dəstəsi qoyub. İlham Əliyev parkı gəzib, görülmüş abadlıq işləri ilə tanış olub. Burada rayon ictimaiyyətinin nümayəndələri ilə də görüş olub. Prezident İlham Əliyev rayon ictimaiyyətinin qarşısında çıxış edib.