Hələ qədim zamanlardan şərq təbibləri, loğmanlar cavanlığın ömrünü uzatmaq üçün bir çox üsullardan istifadə ediblər. Elə müasir dövrdə də uzunömürlülük üçün xalq təbabətində müxtəlif cövhərlər, təlimlər, içkilərdən geniş istifadə olunur.
Modern.az saytı sağlamlıqla bağlı növbəti yazıda vaxtsız qocalmanın qarşısını alan daha bir xalq təbabəti vasitəsi haqqında yazını təqdim edir.
Orqanizmin qocalmasını ləngitmək üçün normal qan dövranı, orqanizmin vitamin və minerallarla təmin olunması, daxili orqanların, xüsusilə, qaraciyərin zərərli maddələrdən təmizlənməsi, yuxu rejiminin qaydada olması, sinir sisteminin normal fəaliyyəti və maddələr mübadiləsinin düzgün tənzimlənməsi vacib faktorlardır. Eyni vaxtda sadalanları qaydasında saxlamaq yəqin ki, çoxları üçün müşkül məsələdir. Ancaq mümkünsüz də deyil.
Xalq təbabətinin təqdim etdiyi və ev şəraitində hazırlanması mümkün olan bu içki sizi bir çox problemlərdən xilas etməklə yanaşı, qocalmağınızı da ləngidəcək.
Bu içki necə hazırlanır?
100 qram təzə çəkilmiş narıngi şirəsinin üzərinə 200 qram ilıq su əlavə olunur. 2 çay qaşığı bal və üyüdücüdən (blender) keçirilən 2 xörək qaşığı qoz alınmış məhlulun üzərinə əlavə edilərək qarışdırılır.
Hazır içkini tələsmədən qurtum-qurtum içmək lazımdır.
Həftədə 3-4 dəfə bu möcüzəvi içkidən istifadə etməklə siz özünüzdə aşağıdakıları müşahidə edəcəksiniz:
1. Dəriniz daha təravətli görünəcək;
2. Daimi yorğunluq sizi tərk edəcək;
3. Dərin və sağlam yuxuya malik olacaqsınız;
4. İştaha və həzm problemləriniz aradan qalxacaq;
5. Qaraciyər, öd kisəsi və bağırsaqlarınız zərərli maddələrdən təmizlənəcək;
6. Əsəbləriniz yerində olacaq, hər adi şeyə qıcıqlanmayacaqsınız;
7. İntim həyatınızda müsbət dəyişikliklərin şahidi olacaqsınız;
8. Özünüzü gümrah və sağlam hiss edəcəksiniz.
Siz də bu vasitədən istifadə edin ki, məşhur mahnıda deyildiyi kimi cavanlığınız çox illərə sinə gərsin. Və onu da unutmayın ki, istənilən xalq təbabəti vasitələrindən istifadə zamanı orqanizmin fərdi bioloji xüsusiyyətlərinin həmin vasitəyə uyğunluğunu bilmək üçün həkimlə məsləhətləşmək vacibdir.
