22 sentyabr 2018, Şənbə
Ana Səhifə - MÜSAHİBƏ - Ukraynalı deputat Modern.az-a danışdı: “Saakaşvili Rusiyanın agentidir” - MÜSAHİBƏ
Ukraynalı deputat Modern.az-a danışdı: “Saakaşvili Rusiyanın agentidir” - MÜSAHİBƏ
12.12.2017, 13:57

Ukranya Ali Radasının “Milli Cəbhə” partiyasından olan deputatı, Sumı vilayət administrasiyasının sədr müavini olmuş Oleq Vyaçeslavoviç  Medunitsa Modern.az saytına müsahibə verib. Onunla söhbəti təqdim edirik.

 

- Ukraynadakı hazırki siyasi situasiyanı necə qiymətləndirirsiniz?

- Ukrayna parlament-prezident respublikasıdır. Parlamentdə gərgin siyasi ab-hava hiss olunmur. Ötən həftə parlamentdə dövlət büdcəsi ilə bağlı qanun qəbul olundu və hər hansı gərginlik yaşanmadı. Sadəcə, Ali Rada önündə Saakaşvilinin tərəfdarları aksiya keçirirlər. Amma istənilən halda, belə etirazlar dövlət orqanlarının fəaliyyətinə hər hansı mənfi təsir göstərmir.

- Ukrayna prezidenti Pyotr Poroşenkonun fəaliyyətinə necə baxırsınız? Çoxları onu korrupsiyaya qarşı passiv mübarizədə, ölkəni silahlı münaqişədən xilas etməməkdə və əhalinin sosial vəziyyətini yaxşılaşdırmamaqda ittiham edir.

- Bu çox səthi fikirlərdir. Çünki Ukraynada Ali Rada və baş nazir sosial sahədə daha geniş səlahiyyətlərə malikdir və buna cavabdehlik daşıyırlar. Amma nəzərə alsaq ki, prezidentin rəhbərlik etdiyi blok Radada 30%-lik yerə sahibdir, bu sahədə problemlərin olduğunu deyə bilərik.

Yeni hökumət dövründə korrupsiya faktları və sosial rifahın yüksəlişi üçün müəyyən addımlar atılıb. Təkcə mən və ya Radanın digər deputatları deyil, həmçinin, Avropadakı deputatlar da Ukraynada son illər korrupsiyanın əsaslı şəkildə azaldığını qeyd ediblər. Bu gün ukraynalı məmurlar, deputatlar, yerli idarəetmə orqanlarının üzvləri nəinki əmlak və vergi bəyannaməsi verməlidir, həmçinin, onların ailə üzvləri və qohumlarının əmlak və vergi bəyannamələrinə diqqət yetirilir. Ona görə də korrupsiya ilə mübarizədə hər şeyin elə də pis olmadığını demək istərdim. Digər tərəfdən, Rusiya ilə müharibə vəziyyətində olduğumuz üçün hərbi xərclərimiz çox yüksəkdir. Bu isə Ukrayna hökumətinə sosial rifahı yüksəltməyə mane olan amillərdən sayılmalıdır.  Buna rəğmən, ölkənin şərqində hərbi əməliyyatlar başlanandan sonra əmək haqları xeyli artırılıb.

- Ukraynada korrupsiya ilə mübarizə məqsədilə yaradılmış qurumların arasında tez-tez münaqişələr yaşanır. Onlar bir-birini qeyri-şəffaf fəaliyyətdə ittiham edir. Bu fonda Avropa Birliyi də Ukraynaya ayırmaq istədiyi 600 milyon avroluq tranşı korrupsiya ilə passiv mübarizə səbəbindən dayandırıb.

- Mən deməzdim ki, bu makroiqtisadi yardım tranşı tam ləğv edilib, sadəcə dondurulub. Avropa Birliyindən 1,8 milyard avro yardımın alınması ilə bağlı sazişi imzalayan zaman Ukrayna Avropa Birliyi qarşısında bir sıra öhdəliklər götürmüşdü. Bu öhdəliklərdən biri korrupsiya işlərinə baxacaq xüsusi Antikorrupsiya Məhkəməsinin yaradılması idi. Ölkənin Baş prokuroru, Antikorrupsiya Bürosunun rəhbəri və s. şəxslər yaxın zamanlarda Ali Rada qarşısında çıxış edərək, həyata keçirilən işlər barədə geniş məlumat verəcəklər.

 

- Növbəti sualım Mixail Saakaşvili ilə bağlıdır. Son vaxtlar o, Ukrayna gündəminin əsas simasına çevrilib. Vətəndaşlıqdan məhrum olunması, barəsində cinayət işinin açılması ona bütün dünyada böyük diqqət çəkib. Siz Ukrayna siyasi səhnəsində Mixail Saakaşvilinin gələcəyini necə görürsünüz?

- İlk olaraq, qeyd etməliyəm ki, Pyotr Poroşenko Mixail Saakaşvilini Ukraynaya dəvət etməklə böyük səhv edib. O, hazırda etirazçı elektorata başçılıq edir və bu yolda bütün vasitələrə əl atıb. Onun iqtisadi cinayətlər törədən qruplarla əlaqəsi və hazırda Rusiyada yaşayan iş adamlarından maliyyə alması faktı mənim üçün açıq-aydın ortadadır. Onun əsas tapşırığı Rusiya Federasiyasının maraqları daxilində Ukraynada siyasi stabilliyi pozmaqdır. Ona görə də yerli hüquq-mühafizə orqanlarının onun barəsində açdığı cinayət işini dəstəkləyirəm. O, Rusiya xüsusi xidmət orqanlarının agentidir.

-Mixail Saakaşvilinin aksiyalarına minlərlə insan çıxır. O, ölkənin işıqlı gələcəyi üçün çalışdığını deyir. Siz onun vədlərinə inanırsınızmı?

- Əsla yox. Məncə o, emosional baxımdan tarazlığı pozulmuş bir insandır. O, Ukrayna xalqının maraqlarını deyil, öz siyasi məqsədlərini güdür. Gürcüstandan olan həmkarlarımla söhbətim zamanı onlar da Saakaşvili dövründəki müəyyən müsbət dəyişikliklərlə yanaşı, çoxsaylı neqativ halları sadalayırlar. Bu səbəbdən onun Gürcüstandakı siyasi gücü də artıq parçalanıb.

 

-Siz Ukrayna ilə Rusiya arasındakı Krım və Donbas münaqişələrinin həllini necə görürsünüz? Artıq 4-cü ildir ki, bu bölgədə döyüşlər gedir və tərəflər sülhə yaxınlaşmaqda çətinlik çəkir. Ukrayna ərazi bütövlüyün hansı yolla bərpa edə bilər?

 

-Rusiya ilə Ukrayna arasındakı münasibətlərə gəlincə, yaxın perspektivdə münaqişənin həllinə inamım yoxdur. Aydın məsələdir ki, Moskva münaqişənin konservasiyasına çalışır. Bu,  Rusiyanın digər postsovet ölkələrində yaratdığı problemlərə oxşarlıq təşkil edir. Krım və Donbas münaqişələrində irəliləyiş olmadan onları həll etmək mümkün deyil.

 

- Münaqişə səbəbindən rus və Ukrayna xalqları arasındakı dost münasibətlərə də xələl gəlib. Azərbaycanda Ermənistan cəmiyyəti ilə münasibətləri nizamlamaq üçün əsası Tbilisidə qoyulan Sülh Platforması yaradılıb. Platformaya münaqişə tərəfləri ilə yanaşı, bir sıra ölkələrin, o cümlədən Radanın deputatları da dəstək verib. Sizcə, Rusiya ilə Ukrayna xalqları arasında münasibətlər belə bir platforma çərçivəsində həll oluna bilər?

- Azərbaycanda yaşayan ermənilərin sayı ilə Ukraynada yaşayan rusların sayı arasında böyük fərq var. Bizdə 8 milyona qədər etnik rus yaşayır və onlar bütün dövlət strukturlarında təmsil olunurlar. Ukraynada xarici işlər naziri, Radanın 40-dan artıq deputatı, bir sıra şəhər merləri, ordu zabitləri etnik rusdurlar. Ukraynada rus icması ilə bağlı heç bir problem yoxdur. Əsas problem ölkəmizə döyüşməyə gələn Rusiya vətəndaşları, hərbçiləri ilə bağlıdır. Bildiyiniz kimi, Rusiyada federal telekanallar dövlət şirkətlərinə məxsusdur. Bu səbəbdən onların efirində hakimiyyətin maraqlarına xidmət edən, vətəndaşlarda yanlış təsəvvürlər yaradan verilişlər gedir. Rusiyanın təbliğat maşını çox böyük təhlükə törədir və rusların beynini yumaqla məşğul olur.

 

- Oleq Vyaçeslavoviç, siz və partiyanız Dağlıq Qarabağ münaqişəsinin həllini necə görürsünüz?

- Bizim mövqeyimiz bundan ibarətdir ki, münaqişənin həlli Azərbaycanın ərazi bütövlüyü çərçivəsində həll olunmalıdır. İnanıram ki, Azərbaycan prezidenti və hökuməti Azərbaycanın ərazi bütövlüyü təmin olunduqdan sonra Qarabağda yaşayan ermənilərin bu bölgədə yaşamasını üçün təminatlar və hüquqlar verəcək. İstənilən halda, Qarabağ Azərbaycanın torpağıdır və Ukrayna Azərbaycanı dəstəkləyir.

- Ukrayna, bütövlükdə postsovet ölkələrinin gələcəyini 20-30 il sonra necə görürsünüz?

- Düşünürəm ki, region Rusiyanın simasında “böyük qardaş”dan azad olsa, həm Azərbaycan, həm Ukrayna, həm də digər ölkələr sülh və rifah içində yaşayacaq. Əgər bu baş verməsə, Rusiya regionda mövcudluğunu saxlasa, qorxuram ki, münaqişə hələ çox davam edəcək. İstənilən halda, gələcəklə bağlı nikbinəm. Ümid edirəm ki, postsovet ölkələri bu çətin sınaqdan üzüağ çıxacaqlar və demokratik, sülh və firavanlıq içində mövcud olacaqlar.


Vüqar İSMAYILOV
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Hərbi paraddakı partlayışda ölənlərin sayı 28-ə çatdı
22.09.2018, 21:29

Hərbi paraddakı partlayışda ölənlərin sayı 28-ə çatdı

Əbülfəs Qarayev Moskvada müzakirələr apardı
22.09.2018, 21:12

Əbülfəs Qarayev Moskvada müzakirələr apardı

Leyla Əliyeva Beynəlxalq Sülh Gününə həsr olunan tədbirdə - FOTOLAR
22.09.2018, 20:56

Leyla Əliyeva Beynəlxalq Sülh Gününə həsr olunan tədbirdə - FOTOLAR

Bakıda ana 8 yaşlı qızını bu səbəbdən CƏZALANDILRDI
22.09.2018, 20:34

Bakıda ana 8 yaşlı qızını bu səbəbdən CƏZALANDILRDI

Tahir Süleymanov “Vətənə xidmətə görə” ordeni ilə təltif edildi
22.09.2018, 20:31

Tahir Süleymanov “Vətənə xidmətə görə” ordeni ilə təltif edildi

Azərbaycan paracüdoçusuna  yeddinci dan qara kəmər verildi 
22.09.2018, 20:19

Azərbaycan paracüdoçusuna  yeddinci dan qara kəmər verildi 

Milli Məclisin komitə sədri AŞPA tədbirinə qatılacaq
22.09.2018, 20:03

Milli Məclisin komitə sədri AŞPA tədbirinə qatılacaq

FHN çarpayıdan yıxılan ağır çəkili kişini xilas etdi
22.09.2018, 18:00

FHN çarpayıdan yıxılan ağır çəkili kişini xilas etdi

Prezident Bakıda Dünya Çempionatını izlədi
22.09.2018, 17:56

Prezident Bakıda Dünya Çempionatını izlədi

Prezident Səudiyyə Ərəbistanının Kralını və Vəliəhdini təbrik edib
22.09.2018, 17:45

Prezident Səudiyyə Ərəbistanının Kralını və Vəliəhdini təbrik edib

Libermanın Azərbaycan səfərinin nəticələri Yerevanda təşviş yaradıb
22.09.2018, 17:38

Libermanın Azərbaycan səfərinin nəticələri Yerevanda təşviş yaradıb

Sumqayıtda avtomobillə vurulan piyada xəstəxanada öldü
22.09.2018, 17:31

Sumqayıtda avtomobillə vurulan piyada xəstəxanada öldü

İlham Əliyev İran prezidentinə başsağlığı verdi
22.09.2018, 17:14

İlham Əliyev İran prezidentinə başsağlığı verdi

Moskva tarixinin ən isti payızını yaşayır
22.09.2018, 17:00

Moskva tarixinin ən isti payızını yaşayır

“Florens” qasırğasının vurduğu zərər hesablandı
22.09.2018, 16:40

“Florens” qasırğasının vurduğu zərər hesablandı

Türkiyədə "Google" milyon dollar cərimələndi
22.09.2018, 16:25

Türkiyədə "Google" milyon dollar cərimələndi

Ermənistanda Futbol Federasiyasına yeni prezident seçildi
22.09.2018, 16:09

Ermənistanda Futbol Federasiyasına yeni prezident seçildi

“Arxivdə Azərbaycandakı “KQB” agenturası barədə izlər hələ də qalır”
22.09.2018, 16:04

“Arxivdə Azərbaycandakı “KQB” agenturası barədə izlər hələ də qalır”

Bakıda xuliqanlıq edən şəxs tutulub
22.09.2018, 15:53

Bakıda xuliqanlıq edən şəxs tutulub

İŞİD İrandakı terror aktına görə məsuliyyəti öz üzərinə götürdü
22.09.2018, 15:42

İŞİD İrandakı terror aktına görə məsuliyyəti öz üzərinə götürdü

İranda hərbi parada silahlı hücum – Ölənlər var - VİDEO+YENİLƏNİB
22.09.2018, 15:24

İranda hərbi parada silahlı hücum – Ölənlər var - VİDEO+YENİLƏNİB

Yenot hər kəsi qorxuya saldı - VİDEO
22.09.2018, 15:20

Yenot hər kəsi qorxuya saldı - VİDEO

Neftin qiyməti yenidən 100 dolları keçə bilər - PROQNOZ
22.09.2018, 15:11

Neftin qiyməti yenidən 100 dolları keçə bilər - PROQNOZ

Hadi Rəcəbli Maltalı deputatları müşaiyət etdi
22.09.2018, 14:59

Hadi Rəcəbli Maltalı deputatları müşaiyət etdi

Beyləqanda 196 ağac yandırıldı
22.09.2018, 14:49

Beyləqanda 196 ağac yandırıldı

Hatayda Azərbaycan küçəsi və Qarabağ parkı açılacaq
22.09.2018, 14:33

Hatayda Azərbaycan küçəsi və Qarabağ parkı açılacaq

Birincilər Dövlət Komitəsinə ekskursiya etdilər
22.09.2018, 14:26

Birincilər Dövlət Komitəsinə ekskursiya etdilər

Azərbaycanda orta aylıq əməkhaqqı 3,7% artıb
22.09.2018, 14:00

Azərbaycanda orta aylıq əməkhaqqı 3,7% artıb

Azərbaycan XİN-i: “Yuri Xaçaturov vəzifəsindən sui-istifadə edib”
22.09.2018, 13:47

Azərbaycan XİN-i: “Yuri Xaçaturov vəzifəsindən sui-istifadə edib”

Azərbaycan və Aİ arasında yeni saziş üçün danışıqların vaxtı AÇIQLANDI
22.09.2018, 13:35

Azərbaycan və Aİ arasında yeni saziş üçün danışıqların vaxtı AÇIQLANDI

Azərbaycan Müdafiə Nazirliyi İran tərəfinə başsağlığı verib
22.09.2018, 13:24

Azərbaycan Müdafiə Nazirliyi İran tərəfinə başsağlığı verib

İrandan terror hücumuna görə ABŞ-a İTTİHAM 
22.09.2018, 13:17

İrandan terror hücumuna görə ABŞ-a İTTİHAM 

Astarada naringi bağlarında zərərvericilər məhv edilir
22.09.2018, 13:15

Astarada naringi bağlarında zərərvericilər məhv edilir

Ermənistan Minsk Qrupunun formatını dəyişmək istəmir
22.09.2018, 13:09

Ermənistan Minsk Qrupunun formatını dəyişmək istəmir

Sabah Bakıya yağış yağacaq – HAVA PROQNOZU
22.09.2018, 12:51

Sabah Bakıya yağış yağacaq – HAVA PROQNOZU

ARXİV