Modern.az

30 qram istifadə etməklə ZEHNİ və FİZİKİ YORĞUNLUQDAN QURTULUN

30 qram istifadə etməklə ZEHNİ və FİZİKİ YORĞUNLUQDAN QURTULUN

15 Dekabr 2017, 22:28

İstər zehni, istərsə də fiziki işlə gərgin məşğul olursunuzsa, kokos yağından istifadə etməklə öz yorğunluğunuzu çıxara bilərsiniz. Hər gün 30 qram bu yağı qəbul etməklə, həm də gün ərzində əhvalınız xoş olacaq, keçirəcək stressinizin qarşısı alınacaq.

 

Modern.az saytının sağlamlıqla bağlı növbəti yazısı kokos yağının faydaları haqqındadır.

 

Kokos yağı kişilər üçün xüsusilə faydalıdır.

 

Müntəzəm olaraq idmanla məşğul olanlar, əzələlərini möhkəmləndirən kişilər kokosdan istifadə etməklə orqanizmlərinin enerji balansını tənzimləyə bilərlər.

 

Kokos meyvəsi, onun yağı və südü təbii afrodiziak olaraq potensiyanın güclənməsi üçün ən yaxşı vasitədir.

 

Kokosdan istifadə ehtirasları oyatmaq, cinsi fəallığı artırmaqla yanaşı spermanın kəmiyyət və keyfiyyətinə də müsbət təsir göstərir.

 

Adətən, kişilər bir çox hallarda dabanlarında yaranan çatlardan şikayətlənirlər. Bundan yaxa qurtarmaq üçün kifayət edər ki, müntəzəm olaraq yatmazdan qabaq kokos yağını dabanınıza sürtəsiniz.

 

Xanımlardan fərqli olaraq kişilər öz saçlarına qulluq etməyə nə vaxt tapırlar, nə də ki, həvəs göstərirlər. Bu baxımdan da kokos yağı kişilərin köməyinə çata bilər. Şaçınızı kokos yağı ilə yusanız kəpəkdən və zədələnmiş şaçlardan uzaq olacaqsınız.

 

Kokos ağciyərlərin fəaliyyətinə müsbət təsir göstərir. Siqaret çəkən kişilərin kokos meyvəsindən və onun yağından istifadə etmələri məsləhətdir.

 

Bunlarla yanaşı kokos yaddaşın güclənməsinə, qaraciyərin toksinlərdən təmizlənməsinə, immun sisteminə, həzm prosesinə, böyrəklərin normal fəaliyyətinə də xeyirlidir.

 

Kokosdakı laurik turşu bakteriya, göbələk və virusların qarşısını alır.

 

Artıq çəkidən yaxa qurtarmaq üçün kokos yağı ən yaxşı vasitələrdən biridir. Belə ki, bu yağdan az miqdarda istifadə edildikdə orqanizm tox olur, əlavə qida qəbuluna ehtiyac duyulmur.

 

Kokos yağı ürək xəstəliklərinin profilaktikası üçün də olduqca dəyərli qida məhsuludur.

 

Kokosun faydalarını nəzərə alaraq bu meyvədən və onun yağından istifadə etməyə çalışın. Xüsusilə, qarşıdan gələn qış fəslində orqanizminizin vitaminlərə olan tələbatını ödəmək üçün kokos yağına üstünlük verin.

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir