Bakıda oteldə yanğın hadisəsi baş verib. Modern.az "Report"a istinadən xəbər verir ki, hadisə Yasamal rayonunda, Zahid Xəlilov küçəsindəki "Lake" otelinin havalandırma sistemində qeydə alınıb.
Əraziyə Fövqəladə Hallar Nazirliyinin Dövlət Yanğından Mühafizə Sisteminin 2 yanğınsöndürmə texnikası cəlb edilib. Yanğının qarşısı alınıb. Hadisə zamanı xəsarət alan olmayıb.