22 sentyabr 2018, Şənbə
Ana Səhifə - MÜSAHİBƏ - “Best model of World”un azərbaycanlı qalibi: “Bizdə güclü modellik məktəbi yoxdur, açılan kurslar da pul tələsidir” - MÜSAHİBƏ
“Best model of World”un azərbaycanlı qalibi: “Bizdə güclü modellik məktəbi yoxdur, açılan kurslar da pul tələsidir” - MÜSAHİBƏ
22.12.2017, 08:51

Fransanın Paris şəhərində “Best model of World” yarışması keçirilib. 56 ölkədən nümayəndənin qatıldığı müsabiqədə Azərbaycanı UNEC-in IV kurs tələbəsi Elxan Hüseynzadə təmsil edib və kişilər arasında qalib gələrək, “Best model of World” adını qazanıb.

Modern.az saytı Elxan Hüseynzadə ilə  müsahibəni təqdim edir.

 

- Elxan bəy, öncə oxucularımızın sizi tanıması üçün özünüzü təqdim edə bilərsiniz?

-Mən 1997-ci ildə Masallı şəhərində anadan olmuşam. Ata tərəfim türkiyəlidir, ana tərəfimin isə yarısı Bakılı, yarısı Masallıdandır. 3 yaşım olan zaman Bakıya köçmüşük. Nərimanov rayonu 213 nömrəli məktəbi bitirmişəm. 2014-cü ildə Azərbaycan Dövlət İqtisad Universitetinə (UNEC) daxil oldum. Hazırda  Biznes və menecment fakültəsinin IV kurs tələbəsiyəm.

- Modelliyə nə vaxtdan sizdə maraq yaranıb?

- Əslində I kursda oxuyan zaman çəkim  indikindən çox, boyum da az idi. Yəni modelliyə uyğun deyildim.  Universitetimizdə  IV kursda oxuyan  bir fotoqraf oğlan geyim yarışmasının keçirələcəyini dedi və ora qatılmağımı təklif etdi. Həmin yarışmaya qatıldım. Aldığım paltarlar yaxşı yaraşmadığı üçün bir az arıqladım. Yəni hər şey burdan başladı. Model  kimi fəaliyyət göstərmək üçün ciddi pəhrizə və idmana başladım. 18 yaşın axırlarında Türkiyəyə getdim. İstanbulda “Damat” kişi geyimləri brendinin  reklam çəkilişlərində iştirak etdim. Eyni zamanda, 2014-2016-cı illərdə keçirilən Azərbaycanın bütün moda həftələrində - “Azerbaijan Fashion Week”, “Mersedes Benz Fashion Week Baku”da çıxış etmişəm. III kursda hazırkı direktor menecerim Aqil Memiyev məni “İnstagram”dan görüb tapdı. O, mənə “səndə işıq görürəm, gələn ilə qədər hazırlaş. Yarışmada ən azı üçlükdə olacaqsan” dedi. Məni həvəsləndirdi və mən də bir il müddətində çox yaxşı hazırlaşdım. Təsəvvür edin, bir il yağ, duz, şəkər nədir bilmədim. Bununla yanaşı, məşqlər etdim və ingilis dilimi inkişaf etdirdim. Çünki bizə bir il öncə yarışmanın  Fransada keçirələcəyini demişdilər.  Orada olan insanlarla yaxşı ünsiyyət qurmaq istədim. Elə bilirlər ki, modellik asandır.  Əksəriyyət bu sənətin yalnız podiumda gəzməkdən ibarət olduğunu düşünür. Amma elə deyil, həqiqətən əziyyət çəkirik.

- Dediniz əvvəl çəkiniz fərqli idi. İndi  boy və çəkiniz necədir?


- Sizə deyim ki, birinci kursda 100 kilo idim.  Yarışa gedəndə isə çəkim 84 kq idi. Bəziləri heç nə yeməyib arıqlamağa cəhd edir. Amma bizə o cür arıqlamaq olmaz.  Biz yağı atıb, əzələni saxlamalıyıq. Ən çətini də budur. Yemək düzgün olmalıdır. Əvvəl boyum 188 idi, amma hazırda 193-dür.

- Maraqlıdır, boyunuzu necə artırdınız?

- İdman edəndə özümü əziyyətə saldığım üçün belimdə problemlər yaranmışdı. Həkimə getdim və mənə üzgüçülüklə məşğul olmağımı məsləhət gördü.  Hər halda üzgüçülüyə getdiyim üçün boyum da artdı.

- Türkiyəyə sırf modelliklə bağlı maraqlarınız olduğu üçün getmişdiniz, yoxsa dəvət gəlmişdi?

- Mən qeyd etdiyim “Damat” kişi geyimləri mağazasına öz CV-mi göndərmişdim. Onlar da qəbul edib dəvət göndərmişdilər.

- Modelliklə əlaqəli təhsil almısınız?

- Təhsil həm burada, həm də Türkiyədə olub. Azərbaycanda əksəriyyət elə bilir ki, modelliyin məktəbi var. Əslində  mövcuddur, amma kurslar formasında. Amma modelliyi sənə bu sahədə güclü anlayışı olan biri də öyrədə bilər. Mən də təcrübələrlə öyrənmişəm. Yalandan deyə bilmərəm ki, gedib hansısa məktəbdə oxumuşam. Bizdə güclü məktəb də yoxdur. Hətta mən modellik sənətini o məktəblərdə oxuyanlardan daha yaxşı bilirəm.  Bu istiqamətdə kurslar açılır və əksəriyyəti də pul tələsidir.

- Bəs Türkiyədə necədir?

- Orada modelliklə bağlı vəziyyət bizdən qat-qat yaxşıdır. Türkiyədəki müəllimlər də professionaldır. İnsanları məhz modellik istiqamətində formalaşdırırlar.


- Model həyatı çətindirmi?

- Çox çətindir. Yeməklərə fikir vermək lazımdır. Özünü nə qədər yaxşı saxlasan, bir o qədər yaxşıdır. Amma yuxu ilə bağlı hansısa məhdudiyyət yoxdur. Sadəcə yeməklə əlaqəli ciddi rejim var.

- Türkiyədə modelliyin təhsilini almısınız. Maraqlıdır, orada əsas nə öyrədirlər?

- Kişilərdə əsas yerişlər, eyni zamanda baxışlar öyrədilir.

- Bir modelin baxışları necə olmalıdır?

- Baxır hansı geyimi nümayiş etdirirsən.  Məsələn, mən daha çox klassik geyimlərdə oluram. Bu zaman baxışlar ciddi olmalıdır.

- Belə başa düşdük ki, model həm də artist olmalıdır.

- Əlbəttə. Ona görə modellərin əksəriyyəti sonradan aktyorluqla məşğul ola bilirlər.


-  Sizin belə bir düşüncəniz varmı?

- Modellikdə pul azdır, amma aktyorluqda belə deyil. Ona görə modellərin  əksəriyyəti  bu sahəyə meyllənirlər. Əslində mənə də aktyorluq təklifi gəlib. Sadəcə universiteti bitirəndən sonra nitq və aktyorluq dərsləri almalıyam. Bundan sonra şansım olsa, aktyor ola bilərəm. İstək də var.

- Pul ön plandadır, yoxsa həvəs?

- Bilmirəm inanacaqsınız ya yox. Mənim həqiqətən də aktyorluğa həvəsim var idi. Yəni maddi cəhətdən ehtiyacım çox deyil. Həvəsimə görə bu sahədə özümü sınamaq istəyərdim.

- Hansı rolda oynamaq istəyərdiniz? Yaxud hansı rejissorla işləmək arzunuz var?

- Atabəy Ural çox yaxşı rejissordur, onunla işləmək istəyərdim. Daha sonra ssenarist Ece Güvençlə çalışardım.

- Deyəsən karyeranızı Türkiyədə qurmaq fikrindəsiniz.

- Bəli. Məncə əsas şansdır. Təbii ki, bacarıq da önəmli faktordur. Məsələn, türklərdə Aras Bulut adlı aktyor var. Əslində ondan da yaxşı aktyorlar çoxdur. Amma şansı olduğu üçün, onu irəli çəkən kimlərsə olduğu üçün filmlərə çəkilə bildi.

- Azərbaycanda da kifayət qədər film və seriallar çəkilir. Təklif gəlsə, qəbul edərsiniz?

- Əvvəllər də təkliflər olub. Amma burda filmə çəkilmək istəmərəm.

- Niyə?

- Çünki bu sahə bizdə çox zəifdir.

- Siz həm tələbəsiniz, həm də model kimi fəaliyyət göstərirsiniz? Bunun dərslərinizə təsiri olubmu?

- Həm təhsil, həm də modellik çox çətin idi. İndiyə qədər həmişə son dəqiqədə özümü dərslərə çatdırmışam.Amma problem yaşamamışam. Yəni o qədər də zəif tələbə deyiləm. Fakültə dekanı Mirağa Əhmədov mənə çox dəstək olur. Bundan başqa, mən özüm də bilirəm ki, bu gün tələbəyəmsə, təhsilimi uğurla başa vurmalıyam.

- Fransada birinci yer tutdunuz. Mükafat nə idi?

- Mükafatlar oldu. Amma demək istəmirəm. Sadəcə onu deyə bilərəm ki, “Atlas Global” şirkəti bir il ərzində istədiyim yerə pulsuz göndərəcək.

- Hazırda biznes-menecment fakültəsinin tələbəsisiniz. Bu istiqamətdə işləmək fikriniz var?

- Tekstil işləri ilə məşğul olmaq istəyirəm. Amma indi yox, gələcəkdə. Bir az təcrübəm artsın, yəqin ki, 5 ilə nəsə edə bilərəm. Bütün modellər, aktyorlar həm öz işləri ilə məşğuldur, həm də biznes sahəsi ilə.

- Modelliklə maraqlanırsınız. Bu sahədə kumiriniz  kimdir?

- Kıvanç Tatlıtuğ. Türkiyədə ən yaxşı model odur. Hətta qohumlarda mənə “Behlülüm” deyə xitab edənlər var. Onu bəyənsəm də, özümü kiməsə oxşatmıram. Kiməsə bənzəməyə çalışmağı sevmirəm.

- Sizi hansısa məşhura bənzədənlər olub?

- Kanadalı model və aktyor Nick Batemana bənzədənlər olub. Ona oxşadanlar çoxdur.

- Azərbaycanda hansı modelləri izləyirsiniz?

- Rüstəm Cəbrayılovu tanıyıram. Yəni dünyada Azərbaycanı təmsil edən bir odur.

- Necə düşünürsünüz, model yaraşıqlı olmalıdır?

- Əgər model kimi fəaliyyət göstərirsə, bədən quruluşu, çəkisi, boyu uyğun olmalıdır. Bütün türk aktyorları-Kıvançdan tutmuş Buraka kimi- hamısı “Best Model” yarışmasından çıxıb. Adətən bunun gözəllik yarışması olmadığını vurğulayırlar. Buna baxmayaraq, hər zaman yaraşıqlı olanları seçirlər. Düşünürəm ki, modelin bədən quruluşu önəmlidir. Amma necə deyərlər, irəliləmək üçün görünüş də vacibdir.

- Heç estetik əməliyyat etdirmisiniz?

- 20 yaşım var, hələ gəncəm. Heç bir estetik əməliyyat olmayıb. Amma gələcəkdə ehtiyac olsa, etdirmək olar.

- Gələcək planlarınız nədir?

- Planlardan danışmağı xoşlamıram. Düşəri-düşməzi var.

- Fransadakı yarışmada rəqibləriniz barədə nə deyə bilərsiniz?

-Həmin yarışmada ən güclü rəqibim Türkiyə idi. Bundan əlavə də beş-altı nəfəri rəqib kimi görürdüm. Yarışmada iki kateqoriya var idi: model və fotomodel. Mən fotomodel kateqoriyasının birincisi oldum. Şri-Lankalı oğlan isə model kateqoriyasında ilk yerin sahib oldu.

- Yarışmada ölkəni təmsil edən azərbaycanlı qız kim idi?

- Banu Şücai. Hər ölkəni bir qız və bir oğlan təmsil edirdi. Banu yer tutmadı, amma “ən yaxşı gülən model” kateqoriyasında nominasiya aldı. Qeyd edim ki, oğlanlarda boy ölçüsü 183 sm-dən götürülür. Mənim boyum 193 olsa da, 190 yazdırmışdım. Dünyada 190-dan hündür olanlar uyğun model kimi qəbul edilmir.

- Maraqlıdır sizi qısqananlar çoxdurmu?

- Sosial şəbəkələrdə elə şeylər yazırlar ki... Məsələn, “İnstagram”da məşhur səhifələr paylaşımlar edir və bəzi şərhləri oxuyanda əsəbiləşirəm.

- Cavablandırdığınız şərhlər olub?

- Xeyr.

 

Günay RƏSULQIZI 

Nəzrin CAVİD


Günay RƏSULQIZI
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Əbülfəs Qarayev Moskvada müzakirələr apardı
22.09.2018, 21:12

Əbülfəs Qarayev Moskvada müzakirələr apardı

Leyla Əliyeva Beynəlxalq Sülh Gününə həsr olunan tədbirdə - FOTOLAR
22.09.2018, 20:56

Leyla Əliyeva Beynəlxalq Sülh Gününə həsr olunan tədbirdə - FOTOLAR

Bakıda ana 8 yaşlı qızını bu səbəbdən CƏZALANDILRDI
22.09.2018, 20:34

Bakıda ana 8 yaşlı qızını bu səbəbdən CƏZALANDILRDI

Tahir Süleymanov “Vətənə xidmətə görə” ordeni ilə təltif edildi
22.09.2018, 20:31

Tahir Süleymanov “Vətənə xidmətə görə” ordeni ilə təltif edildi

Azərbaycan paracüdoçusuna  yeddinci dan qara kəmər verildi 
22.09.2018, 20:19

Azərbaycan paracüdoçusuna  yeddinci dan qara kəmər verildi 

Milli Məclisin komitə sədri AŞPA tədbirinə qatılacaq
22.09.2018, 20:03

Milli Məclisin komitə sədri AŞPA tədbirinə qatılacaq

FHN çarpayıdan yıxılan ağır çəkili kişini xilas etdi
22.09.2018, 18:00

FHN çarpayıdan yıxılan ağır çəkili kişini xilas etdi

Prezident Bakıda Dünya Çempionatını izlədi
22.09.2018, 17:56

Prezident Bakıda Dünya Çempionatını izlədi

Prezident Səudiyyə Ərəbistanının Kralını və Vəliəhdini təbrik edib
22.09.2018, 17:45

Prezident Səudiyyə Ərəbistanının Kralını və Vəliəhdini təbrik edib

Libermanın Azərbaycan səfərinin nəticələri Yerevanda təşviş yaradıb
22.09.2018, 17:38

Libermanın Azərbaycan səfərinin nəticələri Yerevanda təşviş yaradıb

Sumqayıtda avtomobillə vurulan piyada xəstəxanada öldü
22.09.2018, 17:31

Sumqayıtda avtomobillə vurulan piyada xəstəxanada öldü

İlham Əliyev İran prezidentinə başsağlığı verdi
22.09.2018, 17:14

İlham Əliyev İran prezidentinə başsağlığı verdi

Moskva tarixinin ən isti payızını yaşayır
22.09.2018, 17:00

Moskva tarixinin ən isti payızını yaşayır

“Florens” qasırğasının vurduğu zərər hesablandı
22.09.2018, 16:40

“Florens” qasırğasının vurduğu zərər hesablandı

Türkiyədə "Google" milyon dollar cərimələndi
22.09.2018, 16:25

Türkiyədə "Google" milyon dollar cərimələndi

Ermənistanda Futbol Federasiyasına yeni prezident seçildi
22.09.2018, 16:09

Ermənistanda Futbol Federasiyasına yeni prezident seçildi

“Arxivdə Azərbaycandakı “KQB” agenturası barədə izlər hələ də qalır”
22.09.2018, 16:04

“Arxivdə Azərbaycandakı “KQB” agenturası barədə izlər hələ də qalır”

Bakıda xuliqanlıq edən şəxs tutulub
22.09.2018, 15:53

Bakıda xuliqanlıq edən şəxs tutulub

İŞİD İrandakı terror aktına görə məsuliyyəti öz üzərinə götürdü
22.09.2018, 15:42

İŞİD İrandakı terror aktına görə məsuliyyəti öz üzərinə götürdü

İranda hərbi parada silahlı hücum – Ölənlər var - VİDEO+YENİLƏNİB
22.09.2018, 15:24

İranda hərbi parada silahlı hücum – Ölənlər var - VİDEO+YENİLƏNİB

Yenot hər kəsi qorxuya saldı - VİDEO
22.09.2018, 15:20

Yenot hər kəsi qorxuya saldı - VİDEO

Neftin qiyməti yenidən 100 dolları keçə bilər - PROQNOZ
22.09.2018, 15:11

Neftin qiyməti yenidən 100 dolları keçə bilər - PROQNOZ

Hadi Rəcəbli Maltalı deputatları müşaiyət etdi
22.09.2018, 14:59

Hadi Rəcəbli Maltalı deputatları müşaiyət etdi

Beyləqanda 196 ağac yandırıldı
22.09.2018, 14:49

Beyləqanda 196 ağac yandırıldı

Hatayda Azərbaycan küçəsi və Qarabağ parkı açılacaq
22.09.2018, 14:33

Hatayda Azərbaycan küçəsi və Qarabağ parkı açılacaq

Birincilər Dövlət Komitəsinə ekskursiya etdilər
22.09.2018, 14:26

Birincilər Dövlət Komitəsinə ekskursiya etdilər

Azərbaycanda orta aylıq əməkhaqqı 3,7% artıb
22.09.2018, 14:00

Azərbaycanda orta aylıq əməkhaqqı 3,7% artıb

Azərbaycan XİN-i: “Yuri Xaçaturov vəzifəsindən sui-istifadə edib”
22.09.2018, 13:47

Azərbaycan XİN-i: “Yuri Xaçaturov vəzifəsindən sui-istifadə edib”

Azərbaycan və Aİ arasında yeni saziş üçün danışıqların vaxtı AÇIQLANDI
22.09.2018, 13:35

Azərbaycan və Aİ arasında yeni saziş üçün danışıqların vaxtı AÇIQLANDI

Azərbaycan Müdafiə Nazirliyi İran tərəfinə başsağlığı verib
22.09.2018, 13:24

Azərbaycan Müdafiə Nazirliyi İran tərəfinə başsağlığı verib

İrandan terror hücumuna görə ABŞ-a İTTİHAM 
22.09.2018, 13:17

İrandan terror hücumuna görə ABŞ-a İTTİHAM 

Astarada naringi bağlarında zərərvericilər məhv edilir
22.09.2018, 13:15

Astarada naringi bağlarında zərərvericilər məhv edilir

Ermənistan Minsk Qrupunun formatını dəyişmək istəmir
22.09.2018, 13:09

Ermənistan Minsk Qrupunun formatını dəyişmək istəmir

Sabah Bakıya yağış yağacaq – HAVA PROQNOZU
22.09.2018, 12:51

Sabah Bakıya yağış yağacaq – HAVA PROQNOZU

İlham Əliyev Vyetnam Kommunist Partiyasının Baş katibinə başsağlığı verib
22.09.2018, 12:43

İlham Əliyev Vyetnam Kommunist Partiyasının Baş katibinə başsağlığı verib

ARXİV