Azərbaycan Milli Məclisinin sədri Oqtay Əsədov Bakıda səfərdə olan Qırğızıstan parlamentinin sədri Axmatbek Keldıbekovun başçılıq etdiyi nümayəndə heyəti ilə görüşüb.
Bu barədə Modern.az-a Milli Məclisinin mətbuat xidmətindən məlumat verilib. Azərbaycan və Qırğızıstan parlamentləri arasında əlaqələrin mövcud vəziyyəti və perspektivləri müzakirə olunan görüşdə ölkələr arasında iqtisadi və mədəni sahələrdə əlaqələrin genişləndirilməsinə dair fikir mübadiləsi aparılıb.
Qırğız parlamentinin sədrinin Azərbaycana səfərinin yekunları ilə bağlı bu gün Milli Məclisdə mətbuat konfransı keçiriləcək.
