Deputat: “Biz hələlik prosesdən kənardayıq”
“Müttəfiqimiz olan Azərbaycan Demokrat Partiyasının sədri Sərdar Cəlaloğlunun “Kölgə parlamenti” ideyasnı dəstəkləyirik”. Bu sözləri Modern.az-a açıqlamasında Milli Məclisin üzvü, “Qarabağ” blokunun təsisçilərindən olan Ümid Partiyasının sədri İqbal Ağazadə bildirib. Deputat qeyd edib ki, bu həftə ərzində ADP sədri ilə görüşü zamanı “Kölgə parlamenti”nin tərkibi və Ümidin burada iştirakı məsələsi müzakirə ediləcək.
“Biz hələlik aparılan prosesdən kənardayıq. Amma “Kölgə parlamenti”nin təşkili ilə bağlı prosesdə iştirak edəcəyik”-deyə millət vəklil vurğulayıb.
Qeyd edək ki, bir sıra mənbələr Modern.az-a yaradılacaq “Kölgə parlamenti”ndə Ümid Partiyasının rəhbərinin “parlament sədri” postuna gətiriləcəyi ilə bağlı məlumatlar səsləndirirlər.
İ.Ağazadə bu məlumatları təkzib edib. Deputat qeyd edib ki, hələlik onlar prosesdə iştirak etmədikləri üçün bu tip açıqlamalar həqiqəti əks etdirmir.
