Prezident İlham Əliyev "Azərbaycanda 2018-ci il üçün ehtiyac meyarının həddi haqqında" qanunu təsdiq edib.
Modern.az xəbər verir ki, qanuna əsasən, ünvanlı dövlət sosial yardımının təyin edilməsi məqsədilə 2018-ci il üçün ehtiyac meyarının həddi 130 manat məbləğində təsdiq edilib.
Qanun 2018-ci il yanvarın 1-dən qüvvəyə minir.
Qeyd edək ki, 2017-ci ildə ehtiyac meyarı 116 manat təşkil edir.
***
Prezidentin digər sərəncamı ilə “Azərbaycan Respublikasında 2018-ci il üçün yaşayış minimumu haqqında” Qanun da təsdiqlənib.
Qanuna əsasən, 2018-ci il üçün yaşayış minimumu ölkə üzrə 173 manat, əmək qabiliyyətli əhali üçün 183 manat, pensiyaçılar üçün 144 manat, uşaqlar üçün 154 manat məbləğində müəyyən edilib.
Bu qanun 2018-ci il yanvarın 1-dən qüvvəyə minir.
***
Prezident İlham Əliyev Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) 2018-ci il büdcəsi haqqında qanunu da təsdiqləyib.
DSMF-nin 2018-ci il büdcəsinin gəlir və xərcləri 3 mlrd. 578,76 mln. manat məbləğində təsdiq edilib.
