Respublika Gigiyena və Epidemiologiya Mərkəzinin məlumatına görə, 2011-ci ilin 6 ayı ərzində yalnız 2 nəfərdə malyariya xəstəliyi aşkar olunub. “Keçən ilin müvafiq dövründə isə bu xəstəlik 23 nəfərdə qeydə alınmışdı”-deyə mərkəzin məlumatında bildirilib.
Qeyd edilib ki, Vişnevskaya-Rostropoviç Fondunun dəstəyi ilə 2010-cu ilin oktyabr-noyabr aylarında aparılmış 1-ci turun davamı olaraq Səhiyyə Nazirliyi tərəfindən bu ilin aprel-may aylarında Respublikanın 42 rayonunda 331 min nəfərdən çox I-VI sinif şagirdləri arasında helmintozların (qurd xəstəliklərinin) profilaktikası məqsədilə “Albendazol” preparatı ilə 2-ci tur dehelmintizasiya (müalicə-profilaktika) tədbiri həyata keçirilib.
Modern.az