24 sentyabr 2018, Bazar ertəsi
Ana Səhifə - MEDİA - Jurnalistlər 2018-ci ilə hansı PROBLEMLƏRLƏ gedirlər...  
Jurnalistlər 2018-ci ilə hansı PROBLEMLƏRLƏ gedirlər...  
29.12.2017, 08:57

2017-ci il bitmək üzrədir. Sözsüz ki, bu il ərzində də hərkəsin özünə görə problemləri oldu. Müəyyən zaman ərzində bu problemlərdən bəziləri öz həllini tapsa da, bəziləri yəqin ki, olduğu kimi qalır. Hamı kimi jurnalistlər üçün də problemsiz həyat yoxdur.
Bəs onlar özləri bu haqda nə deyirlər, 2018-ci ili hansı problemlərlə qarşılayırlar?

Modern.az saytı bəzi jurnalistləri sorğuya çəkib.


Sputnik.az saytının əməkdaşı İradə Cəlil:


“Fikrimcə, insanın müəyyən yaş dövrü var ki, o dövrə qədər hər şeyi problem edir, hər hansı bir istəyi alınmayanda fikir çəkir, bunu problemə çevirir. Amma indi mən elə bir yaş dövründəyəm ki, daha heç nəyi problem etmirəm. Nəyisə problem edəndə, yaşamaq, işləmək olmur. Mənim də həyatımda çatışmazlıqlar var. Məsələn, kirayə yaşayıram, iki oğlum var.Çalışıram ki, onlar heç kimdən əskik olmasınlar. İşimlə bağlı onlara az vaxt ayırıram və bəzən düşünürəm onların uşaqlıqları yadımda deyil. Mən uşaqlarıma istədiyim qədər zaman ayıra bilməmişəm, hər zaman onların yeməyini, təhsilini, sağlamlığını, geyimini təmin etmək üçün işləmişəm. Və bu gün də elə. Çalışıram tərbiyəli övlad böyüdüm və elə yaşayım ki, kimsə onlara anaları və yaşadıqları həyat haqqında artıq heç nə deyə bilməsin.
Çətindir, qadın üçün belə yaşayış çox çətindir, problemləri özün həll etməlisən, evin kişisi də, qadını da özünsən. “Bu yoxdu, o yoxdu”artıq problem deyil. Çünki həyat qısadır. Və əgər hər günümüzü "yoxdu"ları yaşayaraq keçirsək, həyat bir az da qısalar. Mənim həyatda bəlkə də üstün cəhətim odur ki, dünəni və sabahı düşünmürəm. Bu gün nə varsa, onunla yaşayıram”.

"Report" informasiya agentliyinin redaktoru İmdad Əlizadə:

“2018-ci ili bir sıra çətinlik və problemlərlə qarşılayıram. Təbii ki, bu problemlərin ən ağırı və dözülməz olanı vətənsizlikdir. Mənim doğulduğum Laçın rayonu erməni işğalı altındadır və 2018-ci ildə bu işğalın 26 ili tamam olacaq. Yeni ili də məcburi köçkün kimi qarşılayacam. 38 illik ömrün 26 ilini məcburi köçkün kimi yaşamaq isə çox çətin və məşəqqətlidir.

İkincisi, 2016-cı ilin fevral ayının 14-də atam Əli Əliyevi avtomobil vurub və atam 504 gün komada qalandan sonra 2017-ci ilin iyulun 2-də vəfat edib. Həmin yol qəzası ilə bağlı Nərimanov Rayon Məhkəməsində keçirilən proses başa çatıb. Hakim Samir Məmmədov hadisə ilə bağlı çox ədalətsiz və əsassız bir hökm çıxarıb və atamı avtomobillə vuraraq öldürən sürücü Qarayev Seymur Vidadi oğlunu faktiki olaraq cəzadan yayındırıb. 2018-ci ili belə bir haqsızlıqla üzləşmiş durumda qarşılayacam və gələn il görəcəyim əsas işlərdən biri də məhz bu iş üzrə ədalətli hökmün çıxarılmasına nail olmaq olacaq. Bunun üçün apellyasiya şikayəti verəcəm, Azərbaycan qanunvericiliyi çərçivəsində bütün addımları atacam.

Üçüncüsü isə gələn ili də evsiz qarşılayacam. 2018-ci ilin ilk günlərində yeni kirayə ev tapmalıyam. Yeni il tətilini də buna sərf edəcəm.
Bütün çətinliklərə baxmayaraq, 2018-ci ilin gözəl və mənalı olmasını arzulayıram. İnşallah, bütün çətinliklər 2017-ci ildə qalar”.

 

İstiqlal.az saytının rəhbəri Qadir İbrahimli:

“Ümumiyyətlə,şəxsi olaraq xüsusi bir problemim yoxdur, yəni hamının daşıdığı problemlər məndə də var. Şükür ki, övladlarımın səhhətində hər hansı bir narahatlıq yoxdur.

Amma təbii ki müəyyən çətinliklər var ki, bunlar da mənə məxsusi olan problemlər deyil. Cəmiyyətdən gələn, ölkənin iqtisadi - siyasi durumu ilə bağlıdır ki, yeni ildə ümid edirəm ki, həmin problemlər qismən də olsa, öz həlli yolunu tapar.

Media olaraq isə reklam bazarının yoxluğu böyük problemdir. Və biz 2018-ci ili də bu problemlə qarşlayırıq.Bu media üçün xüsusi çətinliklər yaradır. Bildiyimiz kimi, müəyyən araşdırmalar aparmaq və reportajlar hazırlamaq vəsait tələb edir. Və bu xərcləri qarşılaya bilməyəndə də hazır materialdan arzuolunan effekti  almaq olmur.

Əlavə olaraq da müəyyən jurnalistlərin həbsdə olması bizim əsas problemimizdir. Arzu edirəm ki, yeni ildə bütün məhbus jurnalistlərimiz azadlığa buraxısın və hər hansı bir tənqidi fikirə görə heç bir jurnalist həbs olunmasın”.

“Qafqazinfo”nun redaktoru Günel Əbilova:

“İlboyu yaranan problemlərimizi bəzən tez, bəzənsə bir az gec müddətə həll edərək, yoluna qoyuruq. 2016-cı ilin sonu ana olduğuma görə 2017-ci il mənim üçün daha çox “analığa adaptasiya” dövrü idi və bu işin çox çətin olduğunu başa düşdüm. Həqiqətən də mənim üçün məsuliyyət tələb edən bir il idi. İlk dəfə artıq özümüzü deyil, bütün işlərimizi körpəyə uyğun planlaşdırırdıq. Bəlkə, adi görünür,lakin etiraf edim ki, hələ də buna tam uyğunlaşmamışıq. Həftənin 6 günü ev-iş, iş-ev həyatı sürən adam üçün bu rejim bir az ağırdır. Bu səbəbdən yeni övlad sahibi olan valideynlərə səbirli olmağı arzulayıram. Bircə ona sevinirəm ki, başqa problemimiz yoxdur”.

 

Müstəqil jurnalist Mahir Məmmədli:

 

“Jurnalistikaya gələndə mən və digər həmkarlarım bilirdik ki, bu sahə məhrumiyyətlərlə zəngindir. Yəni biz bu yolu bilə-bilə, öz istəyimizlə seçmişik. Bu baxımdan, hər yeni ili problemlərlə qarşılamağımız təbiidir. Həyat, yaşam bahalaşır, bizim gəlirimiz isə artmır. Bir çox jurnalistlər kimi, mən də kirayədə yaşayıram və qazancımın təxminən yarısını kirayə pulunu ödəməyə sərf edirəm. Artıq neçənci ildir ki, evsizlik aradan qalxmayan problemdir və belə görünür ki, 2018-ci ildə də davam edəcək.

Bir az əvvəl qeyd elədiyim kimi, ildənilə daşıdığımız və hər il bir az da böyüyən problem maddi durumdur. Bu, peşəkar jurnalistika ilə məşğul olan, halal zəhməti ilə pul qazanan (çirkin yollarla deyil) insanların mütləq əksəriyyətinin problemidir və ona görə də bunu özümə dərd etməməyə çalışıram. Əsas odur ki, canımız sağ olsun, iş yerlərimiz bağlanmasın və biz halal yolla pulumuzu qazana bilək. Qazanılan pul kifayət etməsə belə, həyatımdan narazı deyiləm və 2018-ci ili də ümidlə, könül rahatlığı ilə qarşılayıram”.

Müstəqil jurnalist Kamil Həmidov:

“Hər növbəti il yeni bir ümid deməkdir. Odur ki, 2018-ci ildən gözləntilərim çoxdur, ümidlərimin doğrulmasını gözləyirəm. Bunu etiraf etməyi xoşlamasam belə,açığını deyim ki, 2018-ci ilə ciddi maddi sıxıntılar və üzüntülərlə girirəm...Hazırda heç bir yerdə rəsmi şəkildə işləmirəm, "525-ci qəzet”dən yazdığım yazılara görə müəyyən məbləğdə qonorar alıram, “Etikxeber.az” saytını isə pulsuz-parasız, təkbaşına, fanatikçəsinə işlədirəm, yəni bu saytdan da hələ ki mənə pul gəlmir. Üstəlik də ailəmiz 6 nəfərdən ibarətdir, xəstə anam var, övladımın biri ödənişli ali təhsil alır, biri 11-ci sinifdə oxuyur və hazırlıqlara gedir, 2 banka pul ödəyirəm, ona da ödəmək demək olarsa...Yəni kifayət qədər maddi-maliyyə sıxıntılarımız var. Ona görə də 2018-ci ildə sanki bir möcüzənin baş verməsini, üzüntülərimin sona ərməsini səbirsizliklə gözləyirəm. Ümid ən sonda ölür deyirlər...Allah ümidlərimizi ölməyə qoymasın və hamının da bayramını mübarək etsin!”.

 

Nəzrin Cavid


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
ABŞ-dan İranın terrorla bağlı ittihamlarına cavab
24.09.2018, 00:41

ABŞ-dan İranın terrorla bağlı ittihamlarına cavab

Sərnişin gəmisi qəzasında ölü sayı 225-ə çatdı
24.09.2018, 00:17

Sərnişin gəmisi qəzasında ölü sayı 225-ə çatdı

Gənc qız intihara cəhd etdi
23.09.2018, 23:48

Gənc qız intihara cəhd etdi

İsveçdə deputat seçilən 20 yaşlı azərbaycanlı tələbə
23.09.2018, 23:27

İsveçdə deputat seçilən 20 yaşlı azərbaycanlı tələbə

Güclü külək təyyarənin eniş etməsinə imkan vermədi - VİDEO
23.09.2018, 23:04

Güclü külək təyyarənin eniş etməsinə imkan vermədi - VİDEO

Binəli Yıldırım Özbəkistana getdi
23.09.2018, 22:51

Binəli Yıldırım Özbəkistana getdi

“Qarabağ” “Qəbələ”yə şans vermədi
23.09.2018, 22:24

“Qarabağ” “Qəbələ”yə şans vermədi

Nobel mükafatı alan alim öldü
23.09.2018, 22:11

Nobel mükafatı alan alim öldü

İraqda qadın ilk dəfə prezidentliyə namizəd oldu
23.09.2018, 21:51

İraqda qadın ilk dəfə prezidentliyə namizəd oldu

Təhlükəsizlik qüvvələrinin 513 əməkdaşı öldürüldü
23.09.2018, 21:42

Təhlükəsizlik qüvvələrinin 513 əməkdaşı öldürüldü

Çempionlar Liqasında ilk turun ən yaxşı qolu seçildi - VİDEO
23.09.2018, 21:23

Çempionlar Liqasında ilk turun ən yaxşı qolu seçildi - VİDEO

Hökumət 4 min saytı blokladı
23.09.2018, 21:08

Hökumət 4 min saytı blokladı

Növbəti komanda-qərargah təlimi başa çatıb
23.09.2018, 20:57

Növbəti komanda-qərargah təlimi başa çatıb

Azərbaycan “OPEC”in iclasında təmsil olunub
23.09.2018, 20:46

Azərbaycan “OPEC”in iclasında təmsil olunub

Saatlıda kürəkənin törətdiyi qətlin təfərrüatları məlum oldu - VİDEO   
23.09.2018, 20:32

Saatlıda kürəkənin törətdiyi qətlin təfərrüatları məlum oldu - VİDEO  

Avropada müsəlmanlarla bağlı yeni qərar
23.09.2018, 20:15

Avropada müsəlmanlarla bağlı yeni qərar

Azərbaycanda yeni tipli gəmilər hazırlanır
23.09.2018, 20:01

Azərbaycanda yeni tipli gəmilər hazırlanır

Kəlbəcər həsrətli Məmməd Aslansız 3 il...
23.09.2018, 17:59

Kəlbəcər həsrətli Məmməd Aslansız 3 il...

Ruhani: “İran Əhvazda törədilən terror aktının cavabını ağır verəcək”
23.09.2018, 17:51

Ruhani: “İran Əhvazda törədilən terror aktının cavabını ağır verəcək”

Deputat Tahir Süleymanov: “Keçirdiyim hissləri bütün dostlara arzulayıram”
23.09.2018, 17:45

Deputat Tahir Süleymanov: “Keçirdiyim hissləri bütün dostlara arzulayıram”

“Son 1 ildə kirayə mənzil bazarında qiymətlər artıb”
23.09.2018, 17:16

“Son 1 ildə kirayə mənzil bazarında qiymətlər artıb”

Bakıda avtomobillər dağıntı altında qaldı - FOTO
23.09.2018, 16:10

Bakıda avtomobillər dağıntı altında qaldı - FOTO

Gürcüstanda silahlı insident nəticəsində 4 azərbaycanlı yaralanıb
23.09.2018, 16:02

Gürcüstanda silahlı insident nəticəsində 4 azərbaycanlı yaralanıb

Bakıda daha bir yol çökdü - FOTO
23.09.2018, 14:58

Bakıda daha bir yol çökdü - FOTO

Gürcüstanda prezident seçkilərində 25 namizəd iştirak edəcək
23.09.2018, 14:37

Gürcüstanda prezident seçkilərində 25 namizəd iştirak edəcək

Eldar Əzizov xəbərdarlığa görə hərəkətə keçdi
23.09.2018, 14:17

Eldar Əzizov xəbərdarlığa görə hərəkətə keçdi

“Azərsu”yun əməkdaşları subasma ərazilərinə səfərbər edilib
23.09.2018, 13:59

“Azərsu”yun əməkdaşları subasma ərazilərinə səfərbər edilib

Yağış suyu avtobuslara doldu - “7A” və “7 B”nin sərnişinləri yollarda qaldı - VİDEO
23.09.2018, 13:19

Yağış suyu avtobuslara doldu - “7A” və “7 B”nin sərnişinləri yollarda qaldı - VİDEO

Sabah sel və daşqınlar ola bilər - XƏBƏRDARLIQ
23.09.2018, 13:04

Sabah sel və daşqınlar ola bilər - XƏBƏRDARLIQ

Ölkəyə normadan artıq yağış yağıb - RƏSMİ
23.09.2018, 12:51

Ölkəyə normadan artıq yağış yağıb - RƏSMİ

Bakıda yerləşən dünyanın ikinci palçıq vulkan püskürdü - FOTO
23.09.2018, 12:41

Bakıda yerləşən dünyanın ikinci palçıq vulkan püskürdü - FOTO

Bakını su basdı - Rəsmilərsə “bunu normal qarşılayın” deyirlər
23.09.2018, 12:28

Bakını su basdı - Rəsmilərsə “bunu normal qarşılayın” deyirlər

Güclü yağış işıqları da söndürdü
23.09.2018, 12:18

Güclü yağış işıqları da söndürdü

Nazirlik Bakıya yağan yağışlarla bağlı hərəkətə KEÇDİ
23.09.2018, 12:01

Nazirlik Bakıya yağan yağışlarla bağlı hərəkətə KEÇDİ

70 yaşlı kişi laqonda ilə ayağını kəsib - ŞƏKİDƏ
23.09.2018, 11:40

70 yaşlı kişi laqonda ilə ayağını kəsib - ŞƏKİDƏ

ARXİV