Azərbaycan teleməkanında vaxtilə bir sıra intellektual verilişlər yayımlanırdı ki, onların da özünəməxsus auditoriyası vardı
Bu verilişlər arasında “ Lider” telekanalında efirə gedən “Zəif bənd”, “Milyonçu” xüsusilə seçilirdi... Yəqin ki, onları çoxunuz izləmisiniz.
Bu verilişlər beynəlxalq statuslu olduğundan onların Azərbaycanda yayım hüququnu “Lider” televiziyası almışdı.
Bəs “Zəif bənd” və “Milyonçu”nun yayımı niyə dayandırıldı?
“ Lider” televiziyasının mətbuat katibi Sədan Bünyadova Modern.az-a bildirib ki, hazırda intellektual oyunların yenidən yayımı nəzərdə tutulmayıb:
- “ Lider” televiziyasında “Milyonçu”, “Teletaym”, “Zəif bənd” kimi intellektual verilişlərinın yenidən yayımlanmağı nəzərə tutulmayıb. Lakin gələcəkdə belə bir fikir yaranarsa, bu verilişlərin lisenziyası alınmalıdır. Amma bunu da qeyd etməliyəm ki, daha öncəki yayım üçün alınmış lisenziya artıq qüvvədə deyil”.
