ABŞ Prezidenti Donald Tramp 23-26 yanvar tarixlərində İsveçrənin Davos şəhərində baş tutacaq Dünya İqtisadi Forumunda iştirak edəcək. Modern.az xarici mediaya istinadən xəbər verir ki, bu barədə Ağ Ev sözçüsü Sara Sanders məlumat verib.
O bildirib ki, Tramp ölkəsinin iqtisadi mənafeyi baxımından bu kimi forumlarda iştirak etməyi önəmli hesab edir.
Qeyd edək ki, sonuncu dəfə 2000-ci ildə ABŞ Prezidenti Bill Klinton Davos forumuna qatılmışdı. Ondan sonra Corc Buş və Barak Obama foruma heyət göndərməklə kifayətlənmişdi.