Modern.az

Energetika Nazirliyində struktur islahatı aparıldı  

Energetika Nazirliyində struktur islahatı aparıldı   

11 Yanvar 2018, 15:56

Ölkədə həyata keçirilən islahatlara uyğun olaraq, energetika sektorunda müasir tələblərə uyğun idarəetmə mexanizminin qurulması, bu sahədə fəaliyyətin səmərəlilik və çevikliyinin artırılması, eləcə də Energetika Nazirliyi aparatının optimallaşdırılması məqsədilə qurumun yeni strukturu təsdiqlənib.

Bu barədə Modern.az-a Energetika Nazirliyinin mətbuat xidmətindən məlumat verilib.

Bildirilib ki, aparılan islahatlar çərçivəsində nazirliyin aparatında bir sıra yeni şöbə və sektorlar yaradılıb.Yeni yaradılmış struktur vahidlərindən biri  nazirliyin fəaliyyət istiqamətləri ilə bağlı olan neft-kimya şöbəsidir. Bundan başqa, nazirlikdə iş prosesinin səmərəlilik və şəffaflığını təmin edəcək xidməti yoxlamalar və inzibati-təşkilati nəzarət sektorlarından ibarət daxili nəzarət şöbəsi, vətəndaşlarla fəal kommunikasiya məqsədilə Çağrı Mərkəzi, vətəndaşların qəbulu işinin təşkili sektorları formalaşdırılıb.

Bununla yanaşı bir sıra şöbələr birləşdirilib və yenidən təşkil olunub.Yeni strukturda ştat vahidlərinin sayı olduğu kimi saxlanıb.

Aparılan dəyişikliklər Nazirliyin qarşısında duran vəzifələrin keyfiyyətlə və operativ şəkildə yerinə yetirilməsinə imkan yaradacaq.

 
Qeyd edək ki, Azərbaycanın energetika naziri Pərviz Şahbazovdur. O, 12 oktyabr 2017-ci il tarixində bu vəzifəyə təyin olunub.

 

 

Whatsapp
Bizə yazın!
Keçid et
Paşinyan Qazaxa gəldi - Ermənilər üzərinə hücum çəkdi