Türkiyə prezidenti Rəcəb Tayyib Ərdoğanın Qətər əmiri Təmim bin Həmad əs-Sani ilə görüşü yekunlaşıb. Modern.az Türkiyə mediasına istinadən xəbər verir ki, tərəflər arasında görüş 2 saat yarım davam edib. Müzakirələrdə Enerji və Təbii Ehtiyatlar naziri Bərat Albayrakla Qətər Xarici İşlər naziri Şeyx Məhəmməd bin-Əbdürrəhman əl-Sani də iştirak edib.
Görüşdə iki ölkə arasında əməkdaşlıq məsələləri ilə yanaşı, regional mövzular da müzakirə edilib.
Qeyd edək ki, Qətər əmiri şeyx Təmim bin Həmad əs-Sani bu gün Türkiyəyə səfərə gəlib.
