Çinin istehsal etdiyi iki peyvənd – poliomielitə qarşı ikivalentli peroral peyvənd və hepatit A-ya qarşı peyvənd Ümumdünya Səhiyyə Təşkilatının (ÜST) ilkin təsnifatından keçib.
Modern.az “Trend”ə istinadən xəbər verir ki, ÜST bu peyvəndlərin təhlükəsizliyini və səmərəliliyini tanıyıb.
Məlumata görə, BMT-nin müxtəlif satınalma agentlikləri xəstəliklərin profilaktikası üçün bu peyvəndləri əldə edə bilər.
Qeyd edək ki, hazırda Çin ÜST-ün ilkin təsnifatından keçmiş dörd peyvəndə sahibdir.
