Avropanın tarixində rekord məbləğdə olan lotereya uduşu qeydə alınıb. Modern.az “Teleqraf”-a istinadla bildirir ki, “Avromillion” lotereya oyununda bir bilet 185 milyon avro pul udub. Lotereyanı təşkil edən “Camelot” şirkətinin nümayəndəsi vurğulayıb ki, “ingilis iştirkaçı bütün cek-potu “partladaraq” bu məbləği udub”. Bununla belə xoşbəxt biletin sahibinin adı açıqlanmayıb. Həmin şəxs bir anda Böyük Britaniyanın ən varlı adamları siyahısında 430-cu yerə sahib çıxıb. Onun pulu Bekhemlər ailəsinin 161 milyon funt-sterlinq məbləğində olan var-dövlətinə bərabər olub.
Lotereya təşkliatçıları bildiriblər ki, bu məbləği udma şansı 116 milyon iştirakçı arasında bir nəfərin olub. “Avromilyon” lotereya oyunu 2004-cü ildən keçirilir.