Türkiyə ABŞ-ı PYD və YPG ilə bağlı verdiyi sözü pozmaqda ittiham edib.
Modern.az Türkiyə KİV-nə istinadən xəbər verir ki, Ankara Vaşinqtonun kürd döyüşçülərinə dəstək verdiyini ehtimal edir.
“Bundan əvvəl, ABŞ PYD və YPG-nin Suriyanın Mənbic rayonundakı mövqelərini tərk edəcəyini bildirirdi. Bizə çoxlu vədlər versələr də, heç birini tutmadılar. ABŞ-dan YPG və PYD-yə dəstəyin tam dayandırılmasını gözləyirik”-deyə Türkiyə prezidentinin mətbuat katibi İbrahim Kalın deyib.
Kalın Trampın Ərdoğanla noyabr ayında baş tutan telefon danışığı zamanı PYD və YPG-yə dəstəyi tam kəsəcəyini lakin bunun baş vermədiyini xatırladıb.
