ABŞ rəsmi Tiflisin xahişini nəzərə alaraq ölkəyə giriş vizaları üzərində olan kodu dəyişdirib. Modern.az İTAR-TASS-a istinadən bildirir ki, bundan sonra ABŞ-a səfər edəcək gürcülər üçün açılacaq vizalarda GRZ (Gruzia) kodu GEO (Georgia) ilə əvəzlənəcək. Bu barədə Gürcüstanın ABŞ-dkı səfiri Temuri Yakobaşvili bildirib. Gürcü diplomat bəyan edib ki, dəyişiklik artıq qüvvəyə minib.
Xatırladaq ki, Tiflis ölkənin adının “Corciya” kimi yazılması üçün bir sıra ölkələrə müraciət edib.
