Əfqanıstanda 6,1 bal gücündə zəlzələ baş verib.
Modern.az xarici KİV-lərə istinadən xəbər verir ki, zəlzələ yerin təxminən 180 km altında olub.
Zəlzələ Tacikistan, Pakistan, Hindistan, Qırğızıstan, Çin və Özbəkistanda da hiss edilib. Zəlzələ nəticəsində ölən və yaralananın olub-olmadığı hələ məlum deyil.
Pakistanın bir əyalətində bəzi evlərin çökdüyü və dağıntıların altında qalan bir qız uşağının həyatını itirdiyi bildirilib.
Zəlzələ xəbərini ilk verən Reuters informasiya agentliyi sirkələnmənin Kabildə hiss edildiyini də qeyd edib.
Qeyd edək ki, 2015-ci ilin oktyabr ayında olan 7,5 bal gücündəki zəlzələdə 400-ə yaxın insan həyatını itirib.
