Ümumrusiya İctimai Rəyin Öyrənilməsi Mərkəzi 20-ci əsrin sevimli simaları ilə bağlı Rusiya Federasiyasında apardıqları sorğu və araşdırmaların nəticələrini elan ediblər.
Modern.az saytı həmin nəticələri təqdim edir.
Mərkəzin yekun nəticələrinə görə reytinq cədvəlinə Yuru Qaqarin başçılıq edir.
2-ci və 3-cü yerləri Vladimir Vısotski və Sovet İttifaqı Marşalı Georgi Jukov bölüşdürürlər.
4-cü yerdə hələ də rusiyalılar tərəfindən unudulmayan İosif Stalin qərarlaşıb.
5-ci yerə yazıçı, publisist, tarixçi, Nobel mükafatı laureatı Aleksandr Soljenitsın sahib olub.
“Hərb və Sülh”ün müəllifi, yazıçı, filosof Lev Tolstoy reytinq cədvəlinin 6-cı pilləsinə layiq görülüb.
Məşhur balerina Maya Plisetskaya da rusların sevimli siması olaraq 7-ci yerə seçilib.
Dünya proletarlarının rəhbəri Vladimir İliç Lenin də reytinq cədvəlində 8-ci yerdə özünə yer tapıb.
SSRİ-də görkəmli insan hüquqları müvəkkili, məşhur fizik Andrey Saxarov da yaddaşlardan silinməyib, nəticələrə əsasən Saxarov 9-cu yerdə qərarlaşıb.
Fiqurlu konki üzrə üçqat Olimpiya çempionu İrina Rodnina idman turnirlərində 1-ci yerdə olsa da sevimli simalar cədvəlində sonuncu pilləyə, 10-cu yerə layiq görülüb.
