Türkiyənin paytaxtında ötən gün törədilən partlayış terror aktı olub. Modern.az xəbər verir ki, bu barədə Türkiyə mediası məlumat yayıb.
Məlumata görə, Ankara şəhərinin hakimiyyət orqanları vergi müfəttişliyinin binasında baş verən partlayışı terror aktı kimi qeydiyyata alıb. Partlayışı isə Suriya kürdləri ilə əlaqədə olan terrorçu törədib.
Məlumata görə, terrorçu Suriya ərazisində partlayıcı qurğuların yaradılması ilə bağlı təlim keçib. Türkiyənin təhlükəsizlik orqanlarının əməkdaşları bombanı binaya keçirmiş şəxsi neytrallaşdırıb. Faktla bağlı daha 8 nəfər saxlanılıb.
