17 yanvar 2019, Cümə axşamı
Ana Səhifə - REPORTAJ - Özü şəhid oldu, adını oğluna qoydular - Naxçıvanlı şəhid Qabil Orucəliyevin DASTANI - FOTOLAR  
Özü şəhid oldu, adını oğluna qoydular - Naxçıvanlı şəhid Qabil Orucəliyevin DASTANI - FOTOLAR   +
09.02.2018, 08:45

Vətəni qibləgah edən şəhidlər

 

Xəbəri qəfildən almışdı Nuriyyə xanım. 3 gün əvvəl doğulan nəvəsinin yolunu gözləyərkən, fələk qapısında qara yellər əsdirmişdi. Oğlu Qabildən bir xəbər öyrənə bulməyəndə, Naxçıvanın hərbi hissələrinə, komendantlıqlara baş vurmuşdu,  hər kəsdən onu soruşmuşdu... Daha gözünə nə gəlini görünürdü, nə də yenicə doğulmuş nəvəsi... “Gəlini xəstəxanadan çıxarıb hara gətirək?”,- deyə soruşanlara  “hələlik atası evinə aparın, balama söz deməyin, südü çəkilər, körpəsi ac qalar” söyləmişdi.  Sonra da gəlini Tükəzban ona bir ismarıc göndərmişdi: “Ana, Tərtərdən Qabilin ya ölüsünü, ya dirisini gətir...”.


Modern.az saytı “Aprel şəhidləri” sisliləsindən növbəti yazını təqdim edir.

Tükəzban qayınanasına çox güvənirdi. Gəlin getdiyi ocağın qoruyucusu olmuşdu, Nuriyyə ana gəlininin valideynləri ilə həm qonşu, həm də ailəvi dost idi. 4 övladını atasız böyütdüyünü Naxçıvanda yaşadıqları məhəllədə hər kəs bilirdi. Əbdüləli  kişi 2005-ci ilin 14 aprelində ürək tutmasından öləndə 41 yaşı var idi, Nuriyyə xanım həmin ərəfədə hamilə idi. Cavan ərini torpağa tapşırandan 3 ay sonra, evin dördüncü övladı gəlmişdi dünyaya, adını atasının adı ilə çağırmaq istəyəndə, 13 yaşlı  Qabil razı olmamışdı, demişdi ki, “mən onu atamın adı ilə çağıra  bilməyəcəyəm...”.

O gündən Orucəliyevlər ailəsinin böyüyü olmuşdu Qabil. Anası bütün məsləhətlərini onunla edir, bütün dərdini-sirrini, iki qızına deyil, oğluna danışırdı.  O gündən etibarən Qabil içəri girəndə ayağa durur, onu böyük kimi qarşılayır, böyük kimi yola salırdı. Bir az böyüyəndən sonra Qabil demişdi ki, “ana, niyə mənə bu qədər diqqət yetirirsən, qayğıma qalırsan? Özümü narahat hiss edirəm sən belə edəndə...”. Oğlunun bu iradına cavab olaraq, Nuriyyə xanım demişdi ki, “bala sən ocağımın, evimin böyüyüsən, zəhmətimizi çəkirsən, çörəyimizi gətirirsən, ona görə də səni böyük kimi uca tuturam...”.


Artıq bir neçə gün idi ki, ana oğlundan nigarançılıq çəkirdi. Gələnin-gedənin üzünə ümidlə baxırdı, fikirləşirdi ki, haradan olsa, xoş xəbər gətirib çatdıracaqlar ona. Aprelin 10-da gecə saat 2-də qohum-əqrəbanın pıçıltı ilə danışdığını görəndə, dalağı sancdı ananın. Üzünü qohumlarına tutub: - “Düzünü deyin? Nə xəbər var?”,- deyə onlardan soruşdu. Bu məqamda, qohumlar artıq xəbəri gizlətməyin yersiz olduğunu anladılar və eşitdiklərini Nuriyyə xanıma çatdırmaq məcburiyyətində qaldılar: - “Sabah saat 11 reysi ilə Qabilin tabutunu gətirəcəklər”- dedilər.  O anda bir Tanrı bildi ki, Nuriyyə ana nələr çəkdi... Bir dəfə də belə ağrı görmüşdü, ocağının böyüyünü, başının tacını itirmişdi... 11 il sonra yenə eşitdiyi bu xəbər çilik-çilik elədi yaralı ananın qəlbini... Kimsə təsəlli verə bilmədi ona... Yandı, qovruldu ana, “Balam heyyyyy, körpəsini görməyən, atası yolu gedən Qalibim heyyyyyy!!!.... Mənə balamı gətirin, mənə balamı yetirin!!!”,- deyə fəryad etdi...


Aprelin 11-də səhər Naxçıvanın hava limanından tutmuş Qabilin böyüyüb boya- başa çatdığı məhəlləyə qədər minlərlə insan axın etdi. Naxçıvan təlatüm içərisində idi... Əllərində Azərbaycan bayrağı tutmuş 7-dən 77-yə qədər hər kəs “Biz hamımız Qabilik!”, “Şəhidlər ölməz, Vətən bölünməz!”, “Milli ruhumuzun dirçəliş günüdür!” kimi şüarlar səsləndirərək. Qabilin nəşini hərbi düzənlə ata evinə gətirdilər. Qabilin ruhu ata evinə, doğmalarına qovuşmuşdu. 9 gün idi ki, bu məqamı gözləyirdi. Məhəllədə vidalaşma törəni bitəndə, tabutu yerdən götürüb əbədiyyətə aparanda, anası insan selinin içərisindən səsləndi. Həmin an insanların damarında qanı, gözlərində yaşı dondu: “Ey mənim xalqım, ey mənim obam, ey mənim elim... Başınızı dik tutun, mən bir QƏHRƏMAN anasıyam. Mən Qabili atasız böyütdüm. Evimin dirəyi idi, tikilən divarım, yanan ocağım idi... Onun atası haqq dünyasındadır. Qardaşı balacadır. Oğlumun cənazəsinə özüm girəcəyəm. Onun tabutunu həm ata əvəzi, həm qardaş əvəzi özüm aparacağam çiyinlərimdə!!!”.


Yolunu gözlədim gün axşam oldu,

Gəl boyuna qurban, ay Vətən oğlu.

Bu qədər millətin , elin içində ,

Sənə çaldırıram toy, Vətən oğlu...

 

Əlincə qalası sinəsi dağlı,

Möminə Xatunun çatladı bağrı,

Mən necə daşıyım oğul, bu dağı,

Başını çiynimə qoy Vətən oğlu.

 

Əshabu Kəf babam, gəldim səcdənə,

Səni and vermişdim İmamzadəmə,

Qurban kəsəcəkdim Qabil  gələnə,

Əhdimiz tutmadı, ay Vətən oğlu.

 

Ocağa , işığa and verdim səni,
Babək, Cavanşirə tay tutdum səni,
Şirin laylalarda böyütdum səni,
Dur boyuna qurban, ay Vətən oğlu.

Yasəmən ətrinə büründü yollar,

Dur bir budağın dər, oğlum nə olar?

Hələ görmədiyin körpə balan var,

Gəl,  onun adını qoy Vətən oğlu.


…Bir türk qızı  mərdlik, cəsarət dərsi keçdi topluma. Hamı ananı alqışladı. Ana vətən uğrunda həlak olan oğlunun tabutunu çiyninə aldı.  Qabili əbədi mənzilinə aparırdılar… 
Oğlunu torpağa tapşıran ana, onu yana-yana seyr edirdi. Bu ana 1991-ci ildə dünyaya gətirdiyi, bətnində bəsləyib, sonradan boy-boy böyütdüyü ciyərparasından  əbədi ayrılırdı. Nələr gəldi keçdi gözlərinin önündən… Həyat yoldaşını dəfn edəndə, bu qədər yanmamışdı Nuriyyə ana. Bala dərdi nə ağır olurmuş…



Oğlu Qabil digər dostları, yaşıdları kimi yaşamadı, 13 yaşından ailənin yükünü çəkdi çiyinlərində. Uşaqlıqdan fəhləlik etdi, anasını işləməyə qoymadı. 2 bacısını gəlin köçürdü. Qabil 2009-cu ildə C.Naxçıvanski adına Hərbi Liseyin Naxçıvan filialını bitirəndən sonra, 2009-ci ildə  Heydər Əliyev adına Azərbaycan Ali Hərbi Məktəbində təhsilini davam etdirdi. Təkcə təhsil almadı, burada oxuduğu 4 il ərzində səhərlər dərsdə, axşamlar isə bazarda, tikintidə fəhləlik etdi. Çünki evdə 4 nəfər gözləyəni var idi. Gecə-gündüz çalışdı….
2013-2014-cü illərdə isə Azərbaycan Respublikası Silahlı Qüvvələrinin Təlim Tədris Mərkəzində zabit təkmilləşdirmə kursunu müvəffəqiyyətlə keçdi. Sonra  Azərbaycan Silahlı Qüvvələrinin tərkibində xidmətə başladı. Anası Nuriyyə xanım oğlunun dövlət qulluğunda işə başladığını görüb, 2015-ci ilədə ona toy çaldırmışdı. O gün özünü dünyanın ən xoşbəxt anası saymışdı. Elə bilirdi ki, daha ağrıları-acıları olmayacaq…

Ancaq bu QƏHRƏMAN ana indi 25 yaşlı QƏHRƏMAN oğlunun dəfn mərasimini  seyr edirdi… Dünyanın ən böyük filosofu bu səhnəyə fikir söyləyə bilməzdi, dünyanın ən güclü rəssamı bu tablonu çəksəydi, fırçasından qan damacaqdı… Ananın gözləri qan-yaş tökdü… Daha oğlunu qucaqlaya bilmədi, daha oğlunun boynuna sarıla bilmədi… Əyilib oğlunun bumbuz şəklini öpdü. O andan Qabil əbədi bir şəkilə döndü…


Bir də acının-kədərin nə olduğunu anlamayan 11 yaşlı İsanın göz yaşları dayanmadı… O tabutda üzü bağlı gəltirilən meyitin üzünü görmək, orada yatan insanın Qabil olduğuna inanmaq istəyirdi. Hamı, “Şəhidlər ölməz, Vətən bölünməz!” deyəndə, boynunu büküb yazıq-yazıq ağlayırdı… Göz yaşları yanaqlarında cığır açmışdı… Bumbuz əlləri ilə gözlərinin yaşını silsə də, göz yaşları dayanmırdı…
“Niyə mənim atam öldü? Bəs mənim atam kim olacaq?”,- deyə qohum-əqrəbadan Qabili soruşurdu. Yalnız Qabili dəfn edəndən sonra ona qohumlardan kimsə dedi ki, Qabil sənin atan deyil, qardaşındır. İsa eşitdiyi xəbərdən donub qalmışdı. Axı dünyanı dərk etdiyi gündən Qabilə “dədə”, demişdi. Axı bu dədə, onun bütün arzularını həyata keçirər, oyuncaqlarını, dəftər-kitabını, ayaqqabısını, paltarlarını alardı… Onun yanına əliboş gəlməzdi. Hamının atası yanında qalardı, nədənsə onun  “dədəsi” evdə az olardı. 

“Dədəsi”ni torpaqlar altında dəfn edəndən sonra, Azərbaycanın üçrəngli bayrağını İsanın əlinə verdilər. O da bayrağı əvvəlcə gözlərinin üstünə qoydu, sonra başının  üstə qaldırdı. Evə qayıdanda, böyük bacıları ona həqiqəti bir daha anlatdılar,  Qabilin böyük qardaşları olduğunu dedilər. İsa “bəs atam kim idi?” sualına da cavab aldı. Uşaq atasının yoxluğunu hiss etməsin deyə, Qabil evdəkilərə tapşırmışdı ki, “qoy qardaşım ürəkli yaşasın, mən özüm yetim böyüdüm, yetimliyin nə qədər ağır olduğunu bilirəm, qoy qardaşım yetimlik çəkməsin…”.


Atasızlıq acısını qardaşına yaşatmaq istəməyən Qabil gecə-gündüz çalışırdı ki,  ailəsini, Vətənini, qardaşını qorusun. Kitabı-dəftəri tanımağa başladığı gündən “Vətən torpaqlarını, Qarabağı azad edəcəyik!” şüarlarını, arzularını eşitmişdi. Elə bu arzu da onu  hərbçi olmağa həvəsləndirmişdi. Axı doğulub boya-başa çatdığı Naxçıvan da hər an düşmən həmləsindən özünü qorumaqdaydı. Bu həmin Naxçıvan Muxtar Respublikası idi ki, onun Sədərək rayonu şimali-qərb tərəfdən Ermənistanla 24 km həmsərhəd zolaqda yerləşirdi. 1990-cı il yanvar ayının 15-dən başlayaraq, Azərbaycanın ayrılmaz tərkib hissəsi olan Naxçıvan Muxtar Respublikasına qarşı ermənilər təxribatlar həyata keçirirdilər. Həmin gündən davam edən şiddətli döyüşlərdən sonra yanvarın 18-də keçmiş SSRİ Müdafiə Nazirliyinin 7-ci ordusunun köməyi ilə muxtar respublikanın Sədərək rayonunun Kərki kəndi ermənilər tərəfindən işğal olunub. Kərki kəndinin müdafiəçiləri qəhrəmanlıqla vuruşub, son ana qədər düşmənə ciddi müqavimət göstəriblər. Hadisələrin canlı şahidlərinin sözlərinə görə, həmin gün kənd səhər saat 4 radələrindən saat 18-19-a qədər şiddətli atəşə tutulub. 30 nəfərədək Kərki sakini Şərur Rayon Polis Şöbəsinin 3 əməkdaşı ilə birlikdə 2 mindən çox silahlı erməniyə qarşı vuruşsa da, döyüş ləvazimatlarının bitməsi səbəbi ilə onlar yaşayış yerini tərk etməli olublar. 

Ümumilikdə isə bu günə qədər rayonun müdafiəsində 108 nəfər şəhid olub. 500-dən artıq adam yaralanıb. Kərki kəndinin sakinləri muxtar respublikanın Kəngərli rayonunun ərazisində yaradılan Yeni Kərki kəndində məskunlaşıblar. 
Azərbaycan xalqının ümummilli lideri Heydər Əliyev  Sədərəyi Naxçıvanın «Qeyrət qalası» adlandırmışdı: “Muxtar respublikanın sərhəd kəndləri dəfələrlə silahlı təcavüzə məruz qaldı. Lakin biz hamımız yaxşı bilirik ki, əsas ağırlıq Sədərəyin üzərinə düşmüşdü. Sədərəkdə vəziyyət tamam başqadır. Burada əsl müharibə gedib, atışmalar olub”. 

İşğalda olan Kərkinin, Xocalının ağrısı var idi Qabilin ürəyində, torpaqlarımızın düşmən tapdağı altında olması qeyrətinə ar gəlirdi. 2016-cı ilin əvvəllərində  ermənilər tez-tez atəşkəs rejimini pozaraq, sərhədyanı bölgələrdə yaşayan ərazilərimizi  hədəfə alır, yenə də dağıntılar törədirdilər. Azərbaycan Ordusu da cavab atəşi ilə düşməni  susdururdu. Milli Ordumuzun yuxarı komandanlığında ermənilərin yeni təxribat planları haqqında  məlumat olduğundan, 29 mart 2016-cı ildə dünyaya gələn oğlunu da gedib görə bilməmişdi Qabil. Xanımı Tükəzban zəng vurub “gözün aydın, oğlun gəldi dünyaya, heç olmasa indi gəl, oğlunu gör”,- deyə giley-güzar dolu gözaydınlığı vermişdi Qabilə, o da sevinərək, xanımını və anasını təbrik etmişdi. Yalnız aprelin 9-dan sonra gələcəyinə söz vermişdi.


Oğul gözləyən təzə gəlin Tükəzbanın o qədər arzuları var idi ki, özünü dünyanın ən xoşbəxt adamı sayırdı. Oxuduğu məktəbin, yaşadığı məhəllənin ən gözəl, bacarıqlı, mərd oğlanı idi Qabil, həm də dəli-dolu, vurub-tutan oğlan idi, elə bu cəhətlərinə görə də sevmişdi onu Tükəzban.
2015-ci ilin iyun ayının 9-da Nuriyyə ananın ocağına gəlin köçmüşdü.  Qabil ali təhsilli baş leytenant idi. Təyinatını Tərtərə vermişdilr. Toydan bir neçə gün sonra, təzə gəlini də götürüb,  ön cəbhəyə yollanmışdı. İlk günlər cavan gəlin çox əziyyət çəkmişdi. Sobanı odunla qızdırmışdı, tufanda-çovğunda həyəti qardan kürəmişdi. Bəzən də günlərlə şəraitsiz evdə oturub, Qabilin yolunu gözləmişdi. Gecələr it hürəndə, çaqqal ulayanda ürəyi titrəmişdi. Yalnız həyat yoldaşı, ezamiyyətini başa vurub gələndə, üzünə, otağına gün doğmuşdu... Günlərin birində isə belə qərara gəlmişdilər ki, uşaqları dünyaya gələnə qədər Tükəzban Naxçıvandakı evə gedib, qayınanası ilə birlikdə qalsın.


“Bilsəydim, heç gəlməzdim Naxçıvana, kaş sona qədər, onun yanında qalaydım, bəlkə də məni o vəziyyətdə qoyub, döyüş bölgəsinə getməzdi... Gecə-gündüz özümü qınayıram”,- deyib gözlərinin yaşını axıdır Tükəzban xanım.

“O, vətəni bizdən əziz tutdu, hətta övladımızın dünyaya gəlməsi də Qabili yolundan döndərmədi.  Niyə bizi tək qoydu? Gecə-gündüz bu suala cavab tapmaq istəyirəm. Uşaq doğulandan sonra, aprelin 1-də gecə danışdı mənimlə, oğlumuzun şəklini istədi. Səhər saat 11-də oğlumuzun şəklini göndərdim ona.


Aprelin 1-dən sonra ondan xəbərim olmadı, nə qədər zəng etsəm də, əlaqə yarada  bilmədim.  Doğum evindən məni valideynlərim gəlib apardılar. Dedilər ki, Nuriyyə xala Tərtərə gedib, evdə yoxdur. Hardansa canıma şübhə və qorxu dolmuşdu. Pis xəbər eşitməmək üçün telefonumu keçirmişdim. Uşaq da gecə-gündüz rahat olmurdu, elə ağlayırdı. Nəhayət aprelin 11-də anam mənə dedi ki, Qabil həlak olub... Bax, mənim həyat nağılım, xoşbəxt günlərim həmən ana qədər çəkdi.   Qabili dəfn etdikdən sonra, onun adını oğluma verdik. İndi çalışıram ki, evimizin böyüyü, Nuriyyə anama dayaq olum, Qabilin yadigarı olan oğlumu böyüdüm. Qabil İsaya sona qədər atalıq edə bilmədi. İndi Nuriyyə anamla birlikdə əl-ələ verib, Qabili və İsanı yaşatmalıyıq, böyütməliyik... Axı bizim qəhrəman Qabilimizin gözəl arzuları var idi...”.



Nuriyyə ana deyir ki, şəhidlər öləndə deyil, unudulanda ölürlər:

“Mənim oğlum  Qabil Orucəliyev Silahlı Qüvvələrin zabiti idi. Vətəninin yolunda canından keçdi. Aprel döyüşlərində həlak olan hər bir oğul qəhrəmandır, düşmənlə ölüm-dirim savaşına getmişdilər. Mən bir şəhid anası kimi istəyirəm ki, oğlumun adına əbədiləşən bir məktəb, park, və ya bir küçə olsun. Aradan illər ötəcək, aprel şəhidlərinin adını yaşadan ünvanlar  gələcəyə körpü olacaq, onların əməlləri yetişməkdə olan cavan nəsillərin yaddaşını təzələyəcək...”.

 

Aida Eyvazlı


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
İŞİD-lə savaş bitməyib
17.01.2019, 23:48

İŞİD-lə savaş bitməyib

“20 Yanvar faciəsini törədənlər cəzalandırılmalıdır” - Gürcü politoloq
17.01.2019, 23:33

“20 Yanvar faciəsini törədənlər cəzalandırılmalıdır” - Gürcü politoloq

Bakıda külək gücləndi:  Pirallahıda 43 m/s
17.01.2019, 23:17

Bakıda külək gücləndi:  Pirallahıda 43 m/s

Güclü külək Bakıda fəsadlar törətdi - FOTO
17.01.2019, 22:57

Güclü külək Bakıda fəsadlar törətdi - FOTO

İtkin düşən kapitanın axtarışı dayandırıldı
17.01.2019, 22:45

İtkin düşən kapitanın axtarışı dayandırıldı

Bakı-Sumqayıt qatarında sürət həddi endirildi
17.01.2019, 22:30

Bakı-Sumqayıt qatarında sürət həddi endirildi

Temperaturunun 10 dərəcə aşağı düşməsi fəsadlarla nəticələnə bilər
17.01.2019, 22:14

Temperaturunun 10 dərəcə aşağı düşməsi fəsadlarla nəticələnə bilər

Həmsədrdən sərt AÇIQLAMA: “Avropa İttifaqı-Azərbaycan münasibətlərinə kölgə salmaq istəyirlər”
17.01.2019, 21:59

Həmsədrdən sərt AÇIQLAMA: “Avropa İttifaqı-Azərbaycan münasibətlərinə kölgə salmaq istəyirlər”

Süni intellekt texnologiyaları bazarının həcmi 52,5 milyard dollar olacaq
17.01.2019, 21:25

Süni intellekt texnologiyaları bazarının həcmi 52,5 milyard dollar olacaq

Qərargah son durumu AÇIQLADI: “Dalğanın maksimal hündürlüyü açıq dənizdə 9,3 metr olub”
17.01.2019, 21:08

Qərargah son durumu AÇIQLADI: “Dalğanın maksimal hündürlüyü açıq dənizdə 9,3 metr olub”

Benqal körfəzində güclü zəlzələ
17.01.2019, 20:57

Benqal körfəzində güclü zəlzələ

Azərbaycanda gündəlik hasilat 20 min barel azalacaq
17.01.2019, 20:44

Azərbaycanda gündəlik hasilat 20 min barel azalacaq

Bu sahələrdə e-qaimə-fakturaların tətbiqi 5 faizdən də aşağıdır
17.01.2019, 20:30

Bu sahələrdə e-qaimə-fakturaların tətbiqi 5 faizdən də aşağıdır

Xəzərdə dalğanın hündürlüyü 8.9 metrə çatıb
17.01.2019, 20:16

Xəzərdə dalğanın hündürlüyü 8.9 metrə çatıb

Ramil Usubov Yasamal və Səbailə rəis təyin etdi
17.01.2019, 20:04

Ramil Usubov Yasamal və Səbailə rəis təyin etdi

Üstünə reklam lövhəsi aşan şəxsin həyati təhlükəsi yoxdur - Səhiyyə Nazirliyi
17.01.2019, 20:02

Üstünə reklam lövhəsi aşan şəxsin həyati təhlükəsi yoxdur - Səhiyyə Nazirliyi

“Qarabağ münaqişəsinin həllinə dəstək artıb”
17.01.2019, 19:57

“Qarabağ münaqişəsinin həllinə dəstək artıb”

Sumqayıtda güclü külək binanın damını apardı
17.01.2019, 19:52

Sumqayıtda güclü külək binanın damını apardı

Finlandiyada erməni təxribatının qarşısı alınıb
17.01.2019, 19:21

Finlandiyada erməni təxribatının qarşısı alınıb

Ağstafada 2018-ci ilin hesabatı verildi
17.01.2019, 18:55

Ağstafada 2018-ci ilin hesabatı verildi

Prezident bu qurumları ləğv etdi - SİYAHI
17.01.2019, 18:52

Prezident bu qurumları ləğv etdi - SİYAHI

Bakıda elektrik dirəyi yük maşınının üzərinə aşıb - FOTO
17.01.2019, 18:45

Bakıda elektrik dirəyi yük maşınının üzərinə aşıb - FOTO

Prezident MTRŞ-ya 3 milyon manat ayırdı
17.01.2019, 18:27

Prezident MTRŞ-ya 3 milyon manat ayırdı

İlham Əliyevdən Cəlil Məmmədquluzadənin yubileyi ilə bağlı SƏRƏNCAM
17.01.2019, 18:10

İlham Əliyevdən Cəlil Məmmədquluzadənin yubileyi ilə bağlı SƏRƏNCAM

Fərəh Əliyevadan TƏKLİF: “Dissertasiyaların müdafiəsi prosesi sadələşdirilməlidir”
17.01.2019, 18:01

Fərəh Əliyevadan TƏKLİF: Dissertasiyaların müdafiəsi prosesi sadələşdirilməlidir

“Böyük İpək Yolu” 20 yanvar faciəsini andı -  FOTOLAR
17.01.2019, 17:55

Böyük İpək Yolu 20 yanvar faciəsini andı -  FOTOLAR

Ekologiya Nazirliyi: Bakıda külək 40 m/s-dək şiddətlənib   
17.01.2019, 17:50

Ekologiya Nazirliyi: Bakıda külək 40 m/s-dək şiddətlənib  

Azərbaycan alimlərinin II Qurultayının vaxtı dəqiqləşdi
17.01.2019, 17:43

Azərbaycan alimlərinin II Qurultayının vaxtı dəqiqləşdi

Tarix İnstitutunda AMEA-nın yaranması tarixi araşdırılır
17.01.2019, 17:40

Tarix İnstitutunda AMEA-nın yaranması tarixi araşdırılır

Bakı Metropoliteni güclü qar və şaxtaya hazır olduğunu bəyan etdi
17.01.2019, 17:35

Bakı Metropoliteni güclü qar və şaxtaya hazır olduğunu bəyan etdi

Manat və dolların məzənnəsi dəyişdi?
17.01.2019, 17:16

Manat və dolların məzənnəsi dəyişdi?

Berluskoni siyasətə qayıdır
17.01.2019, 16:57

Berluskoni siyasətə qayıdır

Ramil Usubov əməliyyat müşavirəsində tələb irəli sürdü   
17.01.2019, 16:56

Ramil Usubov əməliyyat müşavirəsində tələb irəli sürdü  

Rəsulzadənin barelyefini oğurlayanlar tutuldu - Modern.az-ın ictimailəşdirdiyi HADİSƏ - FOTO
17.01.2019, 16:53

Rəsulzadənin barelyefini oğurlayanlar tutuldu - Modern.az-ın ictimailəşdirdiyi HADİSƏ - FOTO

Əhalinin sülhə hazırlanması nə deməkdir? - Xarici İşlər Nazirliyindən Qarabağ AÇIQLAMASI   
17.01.2019, 16:45

Əhalinin sülhə hazırlanması nə deməkdir? - Xarici İşlər Nazirliyindən Qarabağ AÇIQLAMASI  

Azərbaycanlı rejissorun iki filmi 72-ci Kann film festivalında iştirak edəcək
17.01.2019, 16:25

Azərbaycanlı rejissorun iki filmi 72-ci Kann film festivalında iştirak edəcək

Huner Group-dan əla fürsət!
17.01.2019, 16:06

Huner Group-dan əla fürsət!

Məşhur idmançını öldürənlərə hökm oxundu
17.01.2019, 16:01

Məşhur idmançını öldürənlərə hökm oxundu

Tarixçi-deputat: “Nəsiminin məzarının Hələbdə qalmasının tərəfdarıyam”
17.01.2019, 15:40

Tarixçi-deputat: “Nəsiminin məzarının Hələbdə qalmasının tərəfdarıyam”

Azercell ilə rominqdə onlayn ol
17.01.2019, 15:34

Azercell ilə rominqdə onlayn ol

Ekologiya Nazirliyi: Bakıda küləyin sürəti 30 m/s, Sumqayıtda 40 m/s-ə çatır
17.01.2019, 15:32

Ekologiya Nazirliyi: Bakıda küləyin sürəti 30 m/s, Sumqayıtda 40 m/s-ə çatır

Avropa İttifaqı Nümayəndəliyinin müvəqqəti işlər vəkili Gəncədədir
17.01.2019, 15:30

Avropa İttifaqı Nümayəndəliyinin müvəqqəti işlər vəkili Gəncədədir

Yaqub Zurufçu ABŞ və Kanada turnesindən qayıdıb
17.01.2019, 15:28

Yaqub Zurufçu ABŞ və Kanada turnesindən qayıdıb

4700,3 mln. manat profisit yaranıb – Maliyyə Nazirliyi
17.01.2019, 15:22

4700,3 mln. manat profisit yaranıb – Maliyyə Nazirliyi

Hərbçi yoldaşını güllələyən erməni əsgər saxlanılıb
17.01.2019, 15:21

Hərbçi yoldaşını güllələyən erməni əsgər saxlanılıb

Bakı Dövlət Universitetində istedadlı bir oğlan var idi...   
17.01.2019, 15:04

Bakı Dövlət Universitetində istedadlı bir oğlan var idi...  

20 Yanvarın “açılmayan gülləsi” - Primakov Allahşükür Paşazadəyə hakimiyyəti ələ almağı niyə təklif etmişdi? - TARİX
17.01.2019, 14:53

20 Yanvarın “açılmayan gülləsi” - Primakov Allahşükür Paşazadəyə hakimiyyəti ələ almağı niyə təklif etmişdi? - TARİX

Güclü külək iki yük maşınını aşırdı - VİDEO
17.01.2019, 14:50

Güclü külək iki yük maşınını aşırdı - VİDEO

İki erməni əsgəri minaya düşdü
17.01.2019, 14:45

İki erməni əsgəri minaya düşdü

Qorxulu siklon artıq Azərbaycandadır
17.01.2019, 14:37

Qorxulu siklon artıq Azərbaycandadır

ARXİV