Yunanıstanın keçmiş xarici işlər naziri Teodoros Panqalosun “ən yaxşı türk ölü türkdür” cümləsi ciddi qalmaqal yaradıb.
Modern.az Türkiyə KİV-nə istinadən xəbər verir ki, ”Skai” radiosuna verilən müsahibə zamanı Türkiyə və Yunanıstan arasında son gərginliyə reaksiya verən sabiq nazirin Panqalosun işlətdiyi ifadələr böyük narazılığa səbəb olub.
O, türkləri tənqid edərək onları pis niyyətli adlandırıb: “ Nə qədər yaxşı niyyətli olduğumuzu göstərsək belə, düşmən amansızdır və tezliklə onların öhdəsindən gəlmək vacibdir. Ən yaxşı türk ölü türkdür,buna inanıram, çünki hələ yaxşı bir türkə rast gəlməmişəm. Onlar ədalət hissindən məhrumdurlar”.
Xatırladaq ki, Panqalos 1996-1999 illərdə Yunanıstanda xarici işlər naziri vəzifəsini icra edib.