18 avqust 2018, Şənbə
Ana Səhifə - REPORTAJ - “Qətl edilmiş 8 ailə” - Hüseynovların soyqırımı - Xocalı DƏHŞƏTİ  
“Qətl edilmiş 8 ailə” - Hüseynovların soyqırımı - Xocalı DƏHŞƏTİ  
19.02.2018, 12:19

Bir neçə gündən sonra ermənilərin Xocalıda törətdiyi soyqırımının 26-cı ili tamam olacaq.

Emənistanın insanlığa qarşı törətdiyi bu vəhşi cinayət zamanı 8 ailə yer üzündən silinib.

Modern.az saytı soyqırımının növbəti ildönümü ərəfəsində Xocalıda son nəfərinədək qətlə yetirilmiş 8 ailənin yaxınları ilə əlaqə saxlamağa çalışıb.  

“Qətl edilmiş 8 ailə”dən daha birindən - Hüseynovlar ailəsindən bəhs edirik. Dəhşətli qətliam gecəsi Hüseyn Hüseynovun ailəsinə divan tutulub. Belə ki, onun özü, həyat yoldaşı Əzizə Hüseynova, qızları Xoşbəxt və Süsən Hüseynovalar, oğlu Zöhrab Hüseynov hamılıqla məhv ediliblər.

Hüseynovlar  ailəsindən sağ qalan yeganə övladı Vidadi Hüseynov  o qanlı-qadalı hadisələrin ürək ağrısı ilə xatırlayır.


“Hərəmiz bir tərəfə dağıldıq”

“Xocalı faciəsi baş verən vaxt 26 yaşım vardı. Xocalıdakı bütün kişilər kimi mən də həmin gecə postda idim. Daha doğrusu, hər axşam növbəli şəkildə postda olurduq. Çünki Xocalıda sakit bir gün, sakit bir gecə yox idi. Hər gün atışma səsləri gəlirdi. Ona görə də rayon rəhbərliyi postda növbə tutmağımız barədə göstəriş vermişdi. Bu, özünümüdafiə postu idi. Fevralın 25-dən 26-na keçən gecə postda mənim növbəm idi.
Faciə günü isə ailəmin yanına qayıtmışdım, bir yerdə idik. Elə o gün bizim sonuncu dəfə birgə olduğumuz tarix oldu. Ondan sonra ailə bütövlüyümüz məhv oldu. Hərəmiz bir tərəfə dağıldıq”.

Vidadi Hüseynov deyir ki, həmin gecə insanlar çox çarəsiz vəziyyətdə idi:

“Dediyim kimi, Xocalıda hər vaxt atəş səsləri eşitmək olardı. Amma fevralın 25-i gecəsi saat 11-dən başlayaraq  atışma daha da gücləndi. Xocalı hər tərəfdən mühasirədə idi. Ortada tək qalmışdı. Qətliam başlayan anda hərə bir tərəfə dağılışmışdı. Həm də vəziyyət bunu tələb edirdi. Xankəndi tərəfə gedən körpü vardı, hamımız ora gəldik. Artıq Xocalının baş tərəfində güclü döyüş başlamışdı. Aləm bir-birinə dəymişdi. Faciə zamanı  80 yaşlı xalam ermənilərə girov düşmüşdü. O girovluqdan geri qayıdandan sonra erməni vəhşiliklərini ağlaya-ağlaya danışırdı. Gözünün qabağında elə hadisələr baş vermişdi ki! Hamilə qadınlarımızın, qızlarımızın başına elə oyunlar açmışdılar ki!”.

“Daşbulaqdan Xocalıya gəlmişdik”

“Atam yaşlı insan idi. Atam da, anam da heç yerdə çalışmırdı. Sadəcə,  təsərrüfatla məşğul idilər. Özümüzün həyətyanı sahəmizdə heyvandarlıqla məşğul idik. Özümüzü dolandıra bilirdik. Bacılarım da təhsil almamışdı. Ən balaca bacımın 13 yaşı vardı. Biz Xocalıda bir ilə yaxın qaldıq. Xocalının Daşbulaq kəndindən  gəlmişdik. Biz Daşbulaq kəndində yerləşən məktəbdə oxumuşuq. Amma bacılarım məktəbdən yarımçıq çıxmalı olmuşdu. Sumqayıt hadisələri yenicə baş vermişdi. Daşbulaq kəndində hər gün atışma olurdu. Neçə-neçə ev yanmışdı. Orada ermənilərlə sıx yaşayırdıq. Onlar bizi, biz də onları görürdük. Hər şeyimiz bir idi. Məktəb direktorumuz erməni idi. Son vaxtlarda ayrı-seçkilik halları daha da baş qaldırmışdı. Bir gün əmimlə məni postdan tutub kolxoza apardılar. Kolxozda bizə dedilər ki, gedin azərbaycanlılara deyin ki, Daşbulaqdan çıxsınlar. Əks halda bizi diri-diri yandıracaqlarını deyirdilər. Ermənilər bizim evimizi, ot tayalarımızı yandırırdılar. O vaxtlar bizə kömək Xocalıdan gəlirdi. Bir gün isə Daşbulağa ermənilər kütləvi hücum etdilər. Biz də hamılıqla Xocalıya üz tutmalı olduq. Elə Xocalıda məskunlaşmağa başlayanda vəziyyət lap da pis oldu”.

“Tənhalıq sıxırdı məni”

Vidadi Hüseynova doğmalarından danışmaq çox ağırdı:

“Həmin gecə çox dəhşətli gecə idi. Xocalılar meşəyə tərəf üz tutur, ermənilər ora da hücum edirdilər. Məcbur olub yenidən geri qayıdırdıq. Uşaqlar bir tərəfdən, qadınlar da digər tərəfdən qışqırıb ağlayırdılar. 3 günə Ağdama gəlib çıxa bilmişdim. Hər aynda ata-anamı ,bacı-qardaşımı axtarırdım.

Xocalı faciəsindən bir il sonra əmim qızı ilə ailə həyatı qurdum. Niyə belə tez ailə qurduğumu soruşursuz. Mənə çox çətin idi. Bütün doğmalarım bir gecənin içində qurda-quşa yem olmuşdu. Hər yer üstümə gəlirdi. Tənhalıq sıxırdı məni. Amma bu evlilik dəbdəbəli toyla baş tutmadı. Heç toy da etmədim. Eləcə evləndik.
Bu gün 54 yaşım var. Elə bilirəm ki, faciə bu gün olub. Olanları, yaşananları itirdiklərimi heç vaxt unuda bilmərəm. Bu, qeyri-mümkündür. Bəlkə yaşım imkan verməyəcək bir daha torpaqlarıma ata yurduma baş çəkməyə, amma yenə ümidliyəm. Ümidimi itirməmişəm. Faciədən sonra Xocalıdan Ağdama gəlmişik. Əl-ayağım donmuşdu. Xəstəxanada kimdən ailə üzvlərimi soruşdumsa, “gördüm” deyən olmadı. Faciə gecəsi çox qohumlarım şəhid olmuşdu. Xalamın yoldaşı deyirdi ki, həmin gecə evimizə bomba atmışdılar. Heç bir səs də gəlməmişdi. Bəlkə də ailəm o evdə yanıb külə dönmüşdü. Amma o vaxtdan bu günə kimi yenə də gözüm yoldadır. Ailə üzvlərimi axtarıram. Bəlkə onları tapa bildim”.

Qeyd: 1992-ci il fevralın 25-dən 26-na keçən gecə erməni hərbi birləşmələri Rusiyanın 366-cı motoatıcı alayının köməyi ilə Xocalı şəhərini işğal edərək, burada yaşayan dinc əhaliyə - azərbaycanlılara qarşı soyqırımı törədib.

XX əsrin faciəsi olan Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir və girov götürülüb. Girov götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.


Namidə BİNGÖL
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Azərbaycan bu şəhərlərdə ticarət evi açır
18.08.2018, 00:56

Azərbaycan bu şəhərlərdə ticarət evi açır

Filippində təyyarə qəzası
18.08.2018, 00:39

Filippində təyyarə qəzası

Sumqayıtda itin gözünü oydular - VİDEO
18.08.2018, 00:26

Sumqayıtda itin gözünü oydular - VİDEO

Maşın nəvəsindən ayrılmaq istəməyən nənəni sürüdü
18.08.2018, 00:12

Maşın nəvəsindən ayrılmaq istəməyən nənəni sürüdü

İstanbulda 47 azərbaycanlı məhbus aclığa başladı
17.08.2018, 23:56

İstanbulda 47 azərbaycanlı məhbus aclığa başladı

Ərdoğan yeddinci dəfə baba oldu
17.08.2018, 23:41

Ərdoğan yeddinci dəfə baba oldu

Kiyevdə iğtişaş törətmək istəyən 80 nəfər saxlanıldı
17.08.2018, 23:27

Kiyevdə iğtişaş törətmək istəyən 80 nəfər saxlanıldı

Azərbaycan nefti bahalaşıb
17.08.2018, 23:16

Azərbaycan nefti bahalaşıb

İsrail hərbçiləri ilə toqquşmalarda 2 fələstinli öldü
17.08.2018, 22:57

İsrail hərbçiləri ilə toqquşmalarda 2 fələstinli öldü

Pakistanda yeni baş nazir seçilib
17.08.2018, 22:43

Pakistanda yeni baş nazir seçilib

“ASAN Viza” 700.000-dən çox insanı sevindirib
17.08.2018, 22:29

“ASAN Viza” 700.000-dən çox insanı sevindirib

Qazax sakini həmyerlisinə oraqla xəsarət yetirib
17.08.2018, 22:13

Qazax sakini həmyerlisinə oraqla xəsarət yetirib

Güclü zəlzələ İndoneziyanı silkələdi
17.08.2018, 21:59

Güclü zəlzələ İndoneziyanı silkələdi

Azərbaycanda 18 yaşadək rəsmi nikaha girənlərin sayı azalıb
17.08.2018, 21:47

Azərbaycanda 18 yaşadək rəsmi nikaha girənlərin sayı azalıb

Paşinyan rəqiblərini hədələdi
17.08.2018, 21:33

Paşinyan rəqiblərini hədələdi

Avtobus sürücüsü və sərnişinləri ölümlə hədələyən şəxs TUTULDU - RƏSMİ
17.08.2018, 21:17

Avtobus sürücüsü və sərnişinləri ölümlə hədələyən şəxs TUTULDU - RƏSMİ

Müslüm Maqomayevin xatirəsi yad olundu - FOTOLAR
17.08.2018, 21:08

Müslüm Maqomayevin xatirəsi yad olundu - FOTOLAR

“Yaxın zamanlarda gömrük sistemində islahatlar başa çatdırılacaq” - İqbal Babayev
17.08.2018, 20:56

“Yaxın zamanlarda gömrük sistemində islahatlar başa çatdırılacaq” - İqbal Babayev

İtkin düşən abituriyent sevdiyi oğlanla qaçıb
17.08.2018, 20:39

İtkin düşən abituriyent sevdiyi oğlanla qaçıb

Türkiyə ordusu PKK rəhbərini belə vurdu - VİDEO
17.08.2018, 20:29

Türkiyə ordusu PKK rəhbərini belə vurdu - VİDEO

Hindistanda son 100 ilin ən dəhşətli faciəsi: 324 ölü
17.08.2018, 20:14

Hindistanda son 100 ilin ən dəhşətli faciəsi: 324 ölü

Ombudsman nümayəndələri Bakı İstintaq Təcridxanasında
17.08.2018, 20:01

Ombudsman nümayəndələri Bakı İstintaq Təcridxanasında

DGK-nın bu idarələri bayram günü işləyəcək
17.08.2018, 20:00

DGK-nın bu idarələri bayram günü işləyəcək

Son dörd gündə 87 qa­nunsuz miqrant sax­­­la­nıl­ıb   
17.08.2018, 19:50

Son dörd gündə 87 qa­nunsuz miqrant sax­­­la­nıl­ıb  

Messinin qardaşına hökm oxundu
17.08.2018, 19:40

Messinin qardaşına hökm oxundu

ABŞ Suriyanın bərpası layihəsinin maliyyələşdirilməsini dayandırıb
17.08.2018, 19:30

ABŞ Suriyanın bərpası layihəsinin maliyyələşdirilməsini dayandırıb

FIFA 4 klubu cəzalandırıb
17.08.2018, 19:19

FIFA 4 klubu cəzalandırıb

Helikopter bölmələrinin taktiki-uçuş məşqləri keçirilib
17.08.2018, 19:10

Helikopter bölmələrinin taktiki-uçuş məşqləri keçirilib

Milli Paralimpiya Komitəsinin regional bölməsi yaradılıb
17.08.2018, 19:00

Milli Paralimpiya Komitəsinin regional bölməsi yaradılıb

Bu türk filmi “Oskar”a namizəd göstərildi
17.08.2018, 18:52

Bu türk filmi “Oskar”a namizəd göstərildi

Saakaşvili Ukraynaya qayıdacağı vaxtı açıqladı
17.08.2018, 18:41

Saakaşvili Ukraynaya qayıdacağı vaxtı açıqladı

Metronun "Bakmil" stansiyası qarşıdakı istirahət günlərində adi qaydada işləyəcək
17.08.2018, 18:32

Metronun "Bakmil" stansiyası qarşıdakı istirahət günlərində adi qaydada işləyəcək

"Kaspersky Lab": Messenger və sosial şəbəkələrə olan hücumlar artıb
17.08.2018, 18:22

"Kaspersky Lab": Messenger və sosial şəbəkələrə olan hücumlar artıb

Lənkəranda yeni yol çəkiləcək
17.08.2018, 18:11

Lənkəranda yeni yol çəkiləcək

Fermerlərə daha 57,5 milyon manat subsidiya ödəniləcək
17.08.2018, 18:04

Fermerlərə daha 57,5 milyon manat subsidiya ödəniləcək

ARXİV