Azərbaycan və Səudiyyə Ərəbistanı cinayətkarlıqla mübarizə sahəsində əməkdaşlıq barədə protokol imzalayıb.
Modern.az-ın məlumatına görə, sənədi Azərbaycanın daxili işlər naziri Ramil Usubov və onun səudiyyəli həmkarı Məhəmməd ibn Naif ibn Əbdüləziz əl Səud imzalayıb.
İmzalanma mərasimi Səudiyyə Ərəbistanının paytaxtı Ər-Riyadda tərəflər arasında rəsmi danışıqlardan sonra baş tutub.
Görüş zamanı əməkdaşlığın Azərbaycan və Səudiyyə Ərəbistanının təhlükəsizlik xidmətləri arasında genişləndirilməsi perspektivləri də müzakirə edilib.