Modern.az

“Vor zakon”ların dəqiq sayı AÇIQLANDI - Siyahıda azərbaycanlılar da var

“Vor zakon”ların dəqiq sayı AÇIQLANDI - Siyahıda azərbaycanlılar da var

21 Fevral 2018, 11:11

İyun ayında Futbol üzrə Dünya Çempionatına ev sahibliyi etməyə hazırlaşan Rusiya “qanunda oğru”ların aktiv deportasiyasına başlayıb. Modern.az saytı Rusiya KİV-nə istinadən xəbər verir ki, futbol öncəsi “qanuni oğru”ların öz ölkələrinə deportasiyası həyata keçirilir.

 

Hazırda 51 yaşlı Aslan Kabuladze və Suliko Şarikadzenin Gürcüstana, 43 yaşlı Kamçibek Kolbayevin isə Qırğızıstana deportasiyası gündəmdədir.

Buna qədər, Baçuka Paçuliya (Pontiyski) Gürcüstana, Dadaş Bakinski isə Azərbaycana deportasiya edilmişdi.

 

XX əsrdən başlayaraq Rusiya ərazisində 5 min “qanunda oğru” mövcud olub. Onlardan bir qismi xaricdə, bir qismi həbsxanada, bir qismi isə sui-qəsdlər zamanı ölüb.

Hazırda 432 “qanunda oğru”nun aktivliyi saxladıqları bildirilir. Onların 318-i azadlıqda, 114-ü həbsxanada, 31-i istintaq altında və 19-u isə axtarışadır.

Kriminal aləmdəki “qanuni oğru”ların 242-si gürcü, 51-i rus, 30-u erməni, 26-sı yezid, 16-sı azərbaycanlı, 10-u abxaz, 8-i çeçen və 7-si yəhudidir.   

Youtube
Kanalımıza abunə olmağı unutmayın!
Keçid et
Rusiyada ağır döyüşlər: Ukrayna partizanları əraziləri bombalayır