Modern.az

Deputatların Novruzla xüsusi proqramları varmı...  

Deputatların Novruzla xüsusi proqramları varmı...   

20 Mart 2018, 12:38

Bu gün Azərbaycanda İlaxır çərşənbə və Novruz bayramı qeyd olunur. Bu günün özəllikləri çoxdur. Tonqallar qalanır, insanlar niyyət edir, küsülülər barışır, subay qızlar fala baxır, qulaq falına çıxırlar. Azərbaycanın milli bayramı olan Novruz ölkənin hər bir yerində təmtəraqla, sevinclə qeyd edilir. Kimi bu bayramı öz evində, doğmaları, əzizləri ilə, kimisi də fürsətdən istifadə edib xarici ölkələrdə, ya da Azərbaycandakı hansısa istirahət məkanında keçirməyə üstünlük verir.

Maraqlıdır, Milli Məclisin deputatları Novruz bayramını necə və harada qeyd edəcəklər?

 

Milli Məclisin Hüquq siyasəti və dövlət quruculuğu komitəsinin üzvü Tahir Kərimli deyib ki, Novruz bayramını paytaxtda keçirəcək.

“Novruz bayramını  ailəmlə, doğmalarımla birgə Bakıda qeyd etməyi planlaşdırıram. Lakin tətil günlərində Ağsu, Şamaxı, İsmayıllıya yollanıb, orada yaşayan doğmalarımı ziyarət etmək istəyirəm”.

 

Milli Məclisin Regional məsələlər komitəsinin üzvü Rüstəm Xəlilov da Novruz bayramını  ailəsi ilə birlikdə keçirəcək.

“Novruz bayramını ailəmlə, doğmlarımla birlikdə qarşılayacam. Sizin vasitənizlə də hər bir Azərbaycan vətəndaşını İlaxır çərşənbə və Novruz bayramı münasibətilə təbrik edirəm. Həmçinin bayram günlərində seçicilərimlə görüşlər təşkil edib, onlar qayğılarını dinləyəcəm”.

 

Milli Məclisin Ailə, qadın və uşaq məsələləri komitəsinin sədri  Aqiyə Naxçıvanlı da bayramı ailə üzvləri ilə birgə qeyd edəcək deputatlardandır.

“Bayramla bağlı heç bir xüsusi planım yoxdur. Çünki uşaqlarımla, ailə üzvlərimlə, nəvələrimlə birgə olacam. Ola bilsin ki, Oğuz rayonunda valideynlərimi ziyarət edim. Yəni ancaq bu ola bilər. Başqa heç bir yerə getməyəcəyəm, Azərbaycanda olacağam”.

 

Milli Məclisin Regional məsələlər komitəsinin üzvü Tahir Rzayev bayramda Azərbaycanda olacağını söyləyib.

“Novruz bayramını  Bakıda keçirəcəm. Amma ola bilsin ki, kimsə harasa dəvət etsin, bunu da öncədən bilmək olmaz. Amma hər il mən Novruz bayramını öz uşaqlarımla ailəmlə, nəvələrimlə birgə qeyd edirəm”.

Milli Məclisin İctimai birliklər və dini qurumlar komitəsinin üzvü Fazil Mustafa da Novruz bayramını ailəsi ilə birlikdə qeyd edəcək.

“Mən hər il bayramları evimdə ailəmlə birlikdə qeyd edirəm. Ölkə ərazisindən kənara çıxmırıq”.

 

Milli Məclisin Hüquq siyasəti və dövlət quruculuğu komitəsinin üzvü Elşən Musayev Novruz bayramının ilk günlərini ailəsi ilə birlikdə keçirəcək.

“Daha sonra Zaqatalada deputat seçildiyim bölgədə seçicilərimizn əhatəsində Novruz şənliyinə qatılacam. Çoxdandır ki, görmədiyim qohumlarımı da evlərində ziyarət etmək istəyirəm. Həmçinin, bayram tətilinin bir gününü dostlarımla birlikdə keçirəcəm. Novruz bayramı ilə bağlı xüsusi bir proqramım yoxdur. Zaqatalada getdiyim kəndin adını da xüsusi olaraq sizə demək istəyirəm. Bu Əliabad kəndidir. Azərbaycan miqyasında ən gözəl Novruz şənliklərindən biri məhz həmin kənddə keçirilir. Hesab edirəm ki, əziz seçicilərimlə birlikdə bu bayramı keçirmək mənə qismət olar”.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir