Ərşad Əzimzadə

İnsan orqanizmi də dünya kimidir - bir yandan boşalır, bir yandan dolur. Dolma və boşalma prosesi elə getməlidir ki, balans (tarazılıq) pozulmasın. Əgər daxil olan enerji (qida, hava, su, günəş işığı) çıxan enerjidən (fiziki və əqli hərəkət) çoxdursa - o zaman kökəlmə baş verir, azdırsa - arıqlama baş verir. Hər iki halda orqanizmin tamlığı pozulur - yəni insan xəstələnir. 

Kökəlmənin 3 əsas səbəbi var. Birinci səbəb - tələbatdan artıq qida qəbul etmək. İkinci səbəb - uzlaşmayan, yəni, bir-biri ilə yola getməyən qidaları qarışdırmaq. Üçüncü səbəb - hərəkətsizlik. 

Orqanizmə daxil olan enerji mütləq həmin həcmdə çıxmalıdır. Buna faydalı hərəkətlərin köməyi ilə nail olmaq mümkündür. Onlar aşağıdakılardır - fiziki iş, iti addımlarla açıq havada 8-10 kilometr gəzmək, yaxud 1-2 saat üzmək, tennis və ya voleybol oynamaq, müxtəlif təmrinləri (məsələn Nişinin qaydaları) yerinə yetirmək və s. 

İş görərkən və ya bədən tərbiyəsi ilə məşqul olarkən tərləmək məsləhət deyil. Hər gün (yaxşı olar ki 2 dəfə) çimmək çox faydalıdır. 
Diqqət ! Qida nə qədər canlı (çiy) olsa - həzmolma və mənimsənilmə bir o qədər yaxşı gedəcək və kökəlmə baş vermiyəcək. 
Kökəlmə ağır fəsadlar verir. Əvvəla, insan hər gün xeyli çəkidə artıq yük daşımalı olur. Bu da daxili orqanları normadan artıq işləməyə vadar edir, onlar tez sıradan çıxır.

İkincisi, artıq ət daxili orqanların ərazisini tutaraq onların normal işləməsinə mane olur. Bu da orqanların tez sıradan çıxmasına səbəb olur.

Üçüncü, kökəlmə ona dəlalət edir ki, mədədə həzmolma prosesi və maddələr mübadiləsi pozulub və orqanizmə çoxlu şlak (zir-zibil) yığılıb. Şlak isə xəstəlik törədən virusların daşıyıcısı olan mikrobların və bakteriyaların gözəl yem bazsıdır. Sağlamlığın düşməni olan bu mikro-canlılar zibil basmış bədəndə sürətlə inkişaf edir və bizi qoruyan ordunu - hüceyrəələri kütləvi şəkildə qırır. Buna görə də immun sistemi zəyifləyir və viruslar sərhəddi asanlıqla pozub qana daxil ola bilir. Beləliklə də insan ağır xəstəliklərə mübtəla olur.

Həm köklüyün, həm də bütün xəstəliklərin qarşısını almağa qadir olan yeganə dərman - SAĞLAM HƏYAT TƏRZİDİR. Onun alternativi (əvəzi) yoxdur !

ALLAHDAH MİLLƏTİMİZƏ DƏRİN ZƏKA VƏ MÖHKƏM İRADƏ DİLƏYİRƏM !