Modern.az

Doğmaları aprel şəhidləri ilə iki ildən sonra yenidən “görüşdülər” – Təsirli anlar

Doğmaları aprel şəhidləri ilə iki ildən sonra yenidən “görüşdülər” – Təsirli anlar

2 Aprel 2018, 22:37

 

Bu gün Beynəlxalq Muğam Mərkəzində aprel döyüşlərinin ikinci ildönümünə həsr olunan “Aprel-2016: Şəhid ailələrinə dəstək” ictimai birliyinin və “ASAN” Xidmətin təşkilati dəstəyi ilə təşkil olunan “Təki Vətən  yaşasın” adlı tədbir keçirilib.

Tədbirdə həmçinin, jurnalist Aida Eyvazlı Göytürkün “Qalibiyyət: Şahidlər və Şəhidlər” kitabının təqdimat mərasimi olub.  Kitab 2016-cı il aprel şəhidlərinin xatirəsinə ithaf olunub.

Modern.az xəbər verir ki, təqdimatda aprel şəhidlərinin valideyn və doğmaları, yaxınları, həmin günlərin ab-havasını yaşayan qazilər, eləcə də media və QHT nümayəndələri iştirak ediblər.

Tədbir sanki daha çox təsiri altından çıxılmayacaq kədərli anlarla yadda  qalıb.

“ASAN” Xidmət könüllüləri tədbirin sonunda hamını duyğulandıracaq kompozisiya  nümayiş etdiriblər. Aprel şəhidlərinin sayı qədər könüllü səhnəyə çıxaraq bir anda hamıya dəhşətli hisslər yaşadıblar.

Əvvəlcə, onların gəlişinin əsas səbəbi tam anlaşılmayıb. Lakin könüllülərin  yaxınlaşmasıyla, həmin dəhşətli səhnələrin yaranması bir olub.

Belə ki, onlardan hərəsi geydikləri köynəklərdə, aprel şəhidlərinin böyüdülən portretlərini əks etdiriblər. Yəni, rəmzi də olsa, hər könüllü bir aprel şəhidi qismində təqdimata qatılıb.

Bu, şəhidlərin əbədi ölməzliyinə və hər zaman yaxınlarının yanında olmasına bir işarə olub. Təşkilatçıların bu cür həssas jesti aprel şəhidlərinin doğmalarını çox duyğulandırıb.

Hər doğma öz şəhid “oğlunu” qucaqlayaraq, bir növ ikiillik həsrətə son qoymağa çalışıb. Göz yaşına boğulan valideyn və doğmalar kitab təqdimatında ikiillik həsrəti xəyalən də olsa ovudublar.  

 

 

 

 

 

 

 

FOTO: İsmət PAŞA

Twitter
Sizə yeni tvit var
Keçid et
Paşinyan Qazaxa gəldi - Ermənilər üzərinə hücum çəkdi