Səddam Hüseynin “ sağ qolu” İbrahim əl-Durinin ölmədiyi məlum olub.
Modern.az xəbər verir ki, Səddam Hüseynin “ sağ qolu” İbrahim əl-Durinin 2015-ci ildə İraq ordusu ilə İŞİD qüvvələri arasında baş verən toqquşmada öldüyü bildirilmişdi. Onun cəsədinin fotoları mətbuatda dərc olunmuşdu.
O vaxtdan bəri ölü hesab edilən əl- Duri 3 il sonra Facebookda yayımladığı video ilə gündəmə gəlib. O, hökümətin Yaxın Şərqə müdaxiləsini pisləyərək, hökümətə qarşı müharibə elan edəcəyini bildirib. Bu məqsədlə Səudiyyə Ərəbistanından da kömək istəyib.