Suriyanın Tifor hava limanına hücumunu İsarilin 2 ədəd F-15 qırıcısı həyata keçirib.
Modern.az xəbər verir ki, bu barədə “Ria Novosti” Rusiyanın Müdafiə Nazirliyinə istinadən məlumat yayıb.
“İsrail Hava Qüvvələrinin 2 ədəd “F-15” qırıcısı Suriyanın hava sərhədini pozmadan Livan ərazisindən 8 ədəd idarə olunan raketlə zərbə endirib.” – nazirlikdən bildirilib.
Bu raketlərdən 3-ü hava limanının qərb istiqamətini vurub. Qalan 5-i isə Suriya Hava Hücumundan Müdafiə Qüvvələri tərəfindən vurulub.
Nazirlikdən həmçinin zərərçəkənlər arasında Rusiya vətəndaşlarının olmadığı da bildirilib. İsrail tərəfi bu informasiyanı şərh etməkdən imtina edib.
Əvəz ZEYNALOV