Ermənistan müxalifətinin Ser Sarkisyanın baş nazirliyinə qarşı etiraz aksiyaları davam edir.
Modern.az xəbər verir ki, Nikol Paşinyanın başçılıq etdiyi kütlə Yerevanın mərkəzi Tiqran Mets küçəsində asfalta oturaraq etirazlarına davam edir. Yolun bağlanması sürücüləri narazı salıb və ara-sıra etirazçılarla srücülər arasında dava düşür.
Yerevan polisi artıq 29 nəfər etirazçını inzibati məsuliyyətə cəlb edib.
xxx
Modern.az Ermənistan KİV-nə istinadən xəbər verir ki, mitinq iştirakçıları Yerevanın Abovyan-Moskovyan küçələrinin kəsişməsini bağlayıblar.
Mitinq iştirakçıları Yerevan sakinlərini aksiyaya qoşulmağa dəvət edir.
Yerevan Şəhər Polisinin rəis müavini Valeri Osipyanın Nikol Paşinyana mitinqin dayandırılması ilə bağlı bildiriş verib.
“Sizə mintinqin təşkilatçısı kimi bildiriş veririk ki, polis mitniqi dayandırmaq qərarına gəlib. Əgər ginc yolla dağılışmasanız polis qanunla nəzərdə tutulmuş addımlar atacaq”.
Nikol Paşinyan isə Osipyanın gözləri qarşısında həmin bildirişi cırıb.