ABŞ prezidenti Donald Tramp Suriyada bir neçə həftə əvvəl Rusiya və ABŞ hərbçiləri arasında baş vermiş ciddi qarşıdurma haqda danışıb.
Modern.az xəbər verir ki bu barədə “Ria Novosti” məlumat yayıb.
“Biz bu barədə danışmışdıq. Bu yaxınlarda, bir ay əvvəl Suriyada bizim Rusiya hərbçiləri ilə ciddi qarşıdurmamız olub. Təəssüflər olsun ki, bu qarşıdurmada çox insan həlak oldu”- deyə Tramp bildirib.
Qeyd edək ki, Rusiya Xarici işlər nazirliyinin rəsmi nümayəndəsi Mariya Zaxarova Suriyada Rusiya hərbçilərinin ABŞ hərbçiləri ilə qarşıdurmada həlak olması haqda yayılan məlumatı dezinformasiya adlandırmışdı.
Əvəz ZEYNALOV