Qəzza bölgəsində İsraillə sərhəddə fələstinli etirazçılarla İsrail hərbçiləri arasında baş vermiş toqquşmalarda dörd nəfər həlak olub, 645 nəfər xəsarət alıb.
Modern.az xəbər verir ki, bu barədə “Associated Press” Qəzzanın səhiyyə nazirliyinə istinadən məlumat yayıb.
İsrail ordusunun açdığı atəşdən həlak olan gənclər 24-25 yaşlarında olub.
Qeyd edək ki, Qəzzada fələstinli fəalların təşkil etdiyi “Böyük qayıdış” yürüşü dördüncü həftədir ki, kütləvi zorakılıqlarla müşayiət olunur. Bu vaxt ərzində İsrail hərbçilər 40-a yaxın fələstinli etirazçını qətlə yetirib.
