Ermənistanda Serj Sarkisyan əleyhinə aksiyalar geniş vüsət almaqda davam edir.
Modern.az xəbər verir ki, etirazçılar Yerevanın Şenqavit rayonunda yerləşən Qaregin Njde meydanına doğru irəliləyir. Etirazçılar müxalifət lideri Nikol Paşinyanın azad olunmasını tələb edirlər.
Axşam 20:00-da isə Yerevanın mərkəzi İnqilab meydanında yeni çoxminlik aksiyanın baş tutacağı gözlənilir.
Ermənistan prezidenti Armen Sarkisyan Qarabağ separatçılarının lideri Bako Saakyan, Bütün Ermənilərin Katolikosu II Qaregin, spiker Ara Babloyan və baş nazir Serj Sarkisyanın iştirakı ilə təcili iclas keçirib. Onlar aksiyanın tezliklə başa çatmalı olduğunu və dialoq çağırışı ediblər.
