Modern.az

Çernobıl faciəsindən 32 il keçir  

Çernobıl faciəsindən 32 il keçir    

26 Aprel 2018, 09:12

Bu gün Çernobıl faciəsindən 32 il keçir. Dünyanı dəhşətə gətirən hadisə 1986-cı il 26 aprel tarixində baş verib.  Ukraynanın paytaxtı Kiyev şəhəri yaxınlığında yerləşən Çernobıl AES-da güclü nüvə partlayışı dəhşətli sonuclara səbəb olub..

Modern.az-ın məlumatına görə, Çernobıl atom elektrik stansiyasının 4-cü enerji blokunda başlayan yanğın həyat üçün təhlükə kəsb edən radioktiv duman yaradıb. Nəticədə 17 milyon insanın yaşadığı 11 rayonun atmosferi zəhərlənib. Qəza nəticəsində Ukraynada 4400 nəfər həyatını itirib. Onlardan çoxu partlayışın nəticələrinin aradan qaldırılması üçün əraziyə gəlmiş fəhlələlər idi. Ümumilikdə faciə zamanı 7000-ə yaxın insan həlak olub, 25 min nəfər güclü radiasiya nəticəsində ömürlük şikəstliklə üzləşib, on minlərlə insan isə sonsuz qalıb. 

Bu faciədən sonra Çernobılda doğulan uşaların demək olar ki, 90 %-də əlillik yaranır.

Hadisədən neçə illər keçsə də, radiasiyanın fəsadları hələ də Avropada dolaşmaqdadır.


Qəza zamanı yaranan və yüksək radiasiyaya sahib olan  tullantılar üstündən 32 il keçməsinə baxmayaraq, bu gün də öz fəsadlarını göstərməkdədir.  

Azərbaycandan da 5 minə yaxın insan Çernobıl qəzasından zərər görüb.

1993-cü ölkəmizdə “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında” Qanun qəbul edilib.
Azərbaycanın sosial qanunvericiliyində Çernobıl əlilləri əlilliklərinin səbəbinə görə Çernobıl AES-də hərbi xidmətlə əlaqədar əlil olanlar və Çernobıl AES-də qəzanın ləğvi zamanı əlil olanlar kateqoriyaları üzrə müəyyən ediliblər.


Çernobıl AES-də hərbi xidmətlə əlaqədar əlil olan vətəndaşlar (2864 nəfər) ölkəmizdə müharibə əlillərinə bərabər tutulan şəxslər hesab edilir və onlara əlilliyə görə sosial müavinət və ya əmək pensiyası ilə yanaşı, Azərbaycan Respublikası Prezidentinin aylıq təqaüdləri də ödənilir.

Çernobıl AES-də qəzanın ləğvi zamanı əlil olanlar (1730 nəfər) aylıq sosial müavinət və ya əlilliyə görə əmək pensiyası, bu kateqoriyadan olan və əmək pensiyası almaq hüququ olmayan I qrup əlillər isə əlilliyə görə sosial müavinətlə bərabər, Prezident təqaüdü ilə də təmin olunurlar.

Whatsapp
Bizə yazın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi