“Başiktaş” Türkiyə Kubokunun yarımfinal mərhələsində “Fənərbaxça” ilə yarımçıq qalan oyuna çıxmayacaq. Apasport.az-ın məlumatına görə, bu barədə klubun rəsmi saytından açıqlama verilib.
Ötən gün Türkiyə Futbol Federasiyası tərəfindən verilən qərarda azarkeşlərin səbəb olduqları hadisələrdən sonra 57-ci dəqiqədə baş hakim tərəfindən yarımçıq dayandırılan derbi qaldığı yerdən davam etdirilməli idi. Amma “qara qartallar” bu qərara etiraz edərək, mayın 3-də keçirilməsi planlaşdırılan görüşə çıxmayacağını elan edib.
Qeyd edək ki, klubdan verilən açıqlamada bunu masabaşı oyunlara alət olmamaq üçün etdikləri bildirilib.