Ermənistanda etirazçıların lideri, deputat Nikol Paşinyan bildirib ki, Ermənistandakı siyasi proseslərdə Rusiyaya qarşı plan yoxdur.

Modern.az TASS-a istinadən xəbər verir ki, bu haqda Paşinyan Rusiya Dövlət Dumasının deputatları ilə görüşdən sonra bəyanatla çıxış edib.

“Mən düşünürəm ki, Dövlət Dumasından olan həmkarlarımız Ermənistandakı daxili siyasi proseslərdə Rusiyaya qarşı hər hansı bir planın olmadığına əmindirlər. Görüşdə Kollektiv Təhlükəsizlik Müqaviləsi Təşkilatı və Avrasiya İqtisadi Birliyi haqqında danışıldı. Və görüş konstruktiv keçdi.

“Mən Rusiyadan olan kolleqalarımı inandırdım ki, hakimiyyətə gəlsək, Avrasiya İqtisadi Birliyindən və Kollektiv Təhlükəsizlik Müqaviləsi Təşkilatından çıxmaq məsələsini qaldırmayacağıq”-deyə Paşinyan bildirib.

“Mən demirəm ki, Rusiya-Ermənistan münasibətlərində problem yoxdur, amma bütün məsələləri həll etmək olar”- o əlavə edib.

Qeyd edək ki, görüşdə Rusiya Dövlət Dumasının deputatları Leonid Kalaşnikov, Viktor Vodalatski və Nikolay Krotov iştirak edib.

Ermənistan tərəfdən isə Paşinyanla yanaşı, Sasun Mikaelyan və Ararat Mirzoyan iştirak ediblər.