Modern.az

Milli Məclis xüsusi iclas keçirəcək - TƏFƏRRÜATLAR

Milli Məclis xüsusi iclas keçirəcək - TƏFƏRRÜATLAR

5 May 2018, 16:21

Mayın 10-da Heydər Əliyevin anadan olmasının 95 illiyi ilə əlaqədar Milli Məclisin xüsusi iclası keçiriləcək.

 

Məsələ ilə bağlı Milli Məclisin Müdafiə, təhlükəsizlik və korrupsiya ilə mübarizə komitəsinin üzvü, Yeni Azərbaycan Partiyasının (YAP) İcra Katibliyinin Siyasi təhlil və proqnozlaşdırma şöbəsinin müdiri Aydın Mirzəzadə Modern.az-a açıqlama verib.

 

Deputat bildirib ki, Milli Məclis mayın 10-dakı xüsusi iclasda ulu öndər Heydər Əliyevə olan ehtiramını ortaya qoyacaq.

“Heydər Əliyev Azərbaycanın tarixində böyük bir keyfiyyət dəyişikliyi etmiş tarixi şəxsiyyətdir. Onun I və II siyasi hakimiyyəti dövründə Azərbaycan keyfiyyətcə dəyişib. Ölkəmizdə bütün sahələrdə böyük irəliləyişlər olub. Müstəqil Azərbaycanın əsası qoyulub. Cəmiyyətimiz və dövlətimiz üçün böyük işlər görmüş bu şəxsiyyətə parlament öz ehtiramını nümayiş etdirmək əzmindədir”.

 

Aydın Mirzəzadə qeyd edib ki, xüsusi iclasda parlament praktikasına görə , yəqin ki, qərar qəbul ediləcək.

“Bi isə xüsusi iclasda formalaşan komissiyanın tərtib etdiyi layihədən asılı olacaq. Bir qayda olaraq, komissiya  parlamentin ümumi fikrini ortaya qoyan sənəd hazırlayır”.

 

 

 

 

Whatsapp
Bizə yazın!
Keçid et
Ukraynadan Rusiyaya ardıcıl zərbələr: Vəziyyət kritikdir