Modern.az

Şuşa ilə FOTOSÖHBƏT

Şuşa ilə FOTOSÖHBƏT

Fotosöhbət

8 May 2018, 08:31

Azərbaycanın dilbər guşələrindən olan Şuşa şəhəri mədəniyyətimizin beşiyi sayılır. Bu tarixi şəhər 1992-ci il mayın 8-nə keçən gecə erməni hərbi birləşmələri keçmiş sovet ordusunun 366-cı alayının hərbi qulluqçularının və zirehli texnikasının köməyi ilə Şuşa şəhərinə hücuma keçdilər. Uzun sürən artilleriya atəşindən və qeyri-bərabər qanlı döyüşlərdən sonra şəhər işğal olundu. 

 

Ermənilər havadarlarının yardımı ilə işğal etdikləri digər şəhər və rayonlar kimi Şuşa da  Azərbaycan xalqının izlərini silmək, onu unutdurmaq üçün ən ağlagəlməz cinayətlərə əl atıblar.  Qarabağ xanlığının paytaxtı olmuş Şuşa şəhərinin qiymətli tarixi abidələrini dağıdır, milli arxitekturasını silib, istədikləri kimi yenidən qurmağa cəhd edirlər.  Bu şəhərin özəlliyi ondan ibarətdir ki, qala divarları ilə əhatə olunub.  Nadir tarix-memarlıq tikililəri, qədim abidələr, inanc yerləri, yaşayış binaları, hətta məzarlıqlar dağıdılıb, zəngin muzey və kitabxanalar talan edilib, bir vaxtlar təkrarolunmaz təbiətinə görə “Qafqazın cənnəti” adlandırılan yerlər xarabalığa çevirilib.

 

Şuşa şəhərində azərbaycanlıların tarixi izlərini silmək məqsədilə vandallar 600-ə yaxın memarlıq abidəsini, o cümlədən Pənahəli xanın sarayını, Cümə məscidini, Aşağı Gövhər Ağa məscidini, Xurşudbanu Natəvanın evini, Molla Pənah Vaqifin məqbərəsini yerlə-yeksan edib, 7 məktəbəqədər uşaq müəssisəsini, 22 ümumtəhsil məktəbini, mədəni-maarif, kənd təsərrüfatı texnikumlarını, orta ixtisas musiqi məktəbini, 8 mədəniyyət evini, 22 klubu, 31 kitabxananı, 2 kinoteatrı, 8 muzeyi, turist bazasını, Qafqazda yeganə Şərq musiqi alətləri fabrikini dağıdıb, buradakı nadir sənət incilərini talayıb və məhv ediblər. Ermənilər insanlığa sığışmayan vəhşiliyə də əl atıblar: Üzeyir Hacıbəyov, Bülbül, Natəvan kimi tarixi şəxsiyyətlərin heykəllərini güllələyiblər.

 

Şuşanın işğalı nəticəsində şəhərdə 195 nəfər Azərbaycan vətəndaşı xüsusi amansızlıqla qətlə yetirilib, 165 nəfər yaralanıb, onlardan 150 nəfər əlil olub, 552 körpə valideynlərini itirib, 20 mindən artıq əhali isə doğma yuvasını tərk edərək məcburi köçkün vəziyyətinə düşüb. 

Əsir və girov götürülmüş 58 azərbaycanlının taleyi barədə bu günə qədər məlumat yoxdur.


Modern.az
 26 ildir düşmən tapdağı altında əzilən Şuşanın fotolarını təqdim edir. Fotoları şəkilaltı sözlərlə əslən Şuşa şəhərindən olan Səbuhi Şuşalı şərh edib.

 

Ermənilər tərəfindən yer üzündən silinmiş Şuşa şəhər 1№-li orta məktəb 

 

1№-li internat məktəbinin həyəti

 

 

Çuxur məhləsi. Qayabaşındakı ev. Bura əvvəllər uşaq evinin yeməkxanası idi, sonralar Tibb Texnikumu oldu

 

Daşaltı dərəsi. Topxana meşəsi

 

Yuxarı Gövhər ağa məscidi. Şuşanın işğalından əvvəl. XIX əsr memarlıq abidəsi.

 

Xurşudbanu Natəvanın dağıdılmış sarayının qalıqları. XIX əsr abidəsi idi

 

 

 

Üçmıx

 

Təzə məhəllə. 2017-ci il

 

Təzə məhəllə. Mehmandarovların evi. XIX əsr abidəsi

 

Şuşanın Gəncə qapısı. XVIII əsr memarlıq abidəsi

 

 

Şuşa-Mamayı məhəlləsi

 

Bülbülün Şuşadakı evi 

 

 

Daşaltı çayı

 

Şuşa XX əsrin əvvəli. Bazarbaşı, Güllü bağ, Rastabazar, Rus kilsəsi. Şəkil Saatlı məscidinin minarəsindən çəkilib

 

 

Şuşa Real məktəbinin binası. XX əsrin memarlıq abidəsi

 

Şuşa qalasının Şuşa sanatoriyasının ərazisindəki divarları. Şuşalılar bura Tufli deyirdilər

 

Şuşa - aprel 2018

 

Şuşa - 1962-ci il

 

Şuşa - 1950-60-cı illər

 

Şuşa - işğaldan əvvəl

 

Sol tərəfdəki uçuqları qalan yer köhnə hamam adlanırdı. Ön tərəfdə Ağayev Gərayın evi, sağ tərəfdə Şuşa şəhər Məhkəməsinin və Prokurorluğun inzibati binası.

 

Saatlı məscidi. 1883-cü ildə köhnə məscidin yerində inşa edilən bu məscid memar Kərbəlayi Səfixan Qarabağinin tikdiyi sonuncu məsciddir. Məscidin interyeri və minarəsi xüsusi zövqlə işlənmişdi.

 

 

Qarabağın III xanı Mehdiqulu xan Cavanşirin qızı, şairə Xurşudbanu Natəvan tərəfindən 1848-ci ildə Şuşa şəhərinin yaxınlığında, Qala divarlarının daxilində tikilmiş Şuşa türməsi.

 

Qarabağ xanının vəziri, şair M.P.Vaqifin Cıdır düzü yaxınlığındakı məqbərəsi.



M.Ə.Rəsulzadə küçəsi 1 saylı çoxmənzilli yaşayış binası.

 

İnşaAllah bu yolu getmək bizə qismət olar — Xankəndi-Şuşa yolu

 

 

Hamamqabağı məhəlləsi. Ə.Ağaoğlu küçəsi (keçmiş Kommunist küç.) Hacıyevlərin evi. İşğaldan əvvəl

 

Hamamqabağı məhəlləsi ilə Təzə məhəllənin kəsişdiyi yerdə yerləşən Şoferlər binası

 

Hacı Yusifli məhəlləsi

 

Hacı Qulular. İşğaldan əvvəl. XIX əsr abidəsi idi

 

Gəncə qapısı 

 

Əsası 1750-ci illərdə Pənahəli xan Cavanşir tərəfindən qoyulmuş Şuşa Qalasının Çöl qala məhəlləsindəki divarları

 

 Məşədi Cavadın evidir XIX əsr abidəsi

 

 

Şuşa qalasının əsasını quymuş Pənahəli xan Sarıcalı Cavanşirin (1693-1759/60) qəsrinin qalıqları

 

Xan qızı bulağı. 1873-cü ildə Xurşudbanu Natəvanın vəsaiti ilə inşa edilib.

 

 

 
İşğaldan əvvəlki Şuşa

 

Qədim Şuşa. Köcərli məhəlləsi

 

 

Güllü bağ. Qarabağ mehmanxanası. İşğaldan əvvəl

 

Xan qızı şairə X.B.Natəvanın sarayı XIX əsrin memarlıq abidəsi idi

 

Facebook
Dəqiq xəbəri bizdən alın!
Keçid et
Son dəqiqə- Paşinyan Qazaxın Əskipara kəndinə gəldi