15 oktyabr 2018, Bazar ertəsi
Ana Səhifə - DÜNYA - Paşinyan Rusiyanı aldadır, amma Azərbaycanı "urus qoymur"
Paşinyan Rusiyanı aldadır, amma Azərbaycanı "urus qoymur"
13.05.2018, 17:17

Mübariz Azərbaycanlı, 
müstəqil jurnalist

Paşinyan "erməniliyini" göstərən zaman rəsmi Bakı Azərbaycan cəmiyyətindəki "urus qoymur" sterotipini sındırıb və dillərdə gülüş hədəfinə çevrilmiş "lazım gəlsə" ifadəsini ermənilərin göz yaşına çevirə bilər
 

Dağlıq Qarabağla bağlı üzünü kimə tutursansa, hamı bir ağızdan deyir: "urus qoymur". Anlamaq olmur məgər Azərbaycan müstəqil dövlət deyilmi, özünün suveren hüquqlarını qorumaq üçün kimdənsə icazəmi almalıdır?

Məgər Azərbaycan ordusu beynəlxalq hüquqa və beynəlxalq təşkilatların verdiyi qərarlara, qətnamələrə söykənib antiterror əməliyyatları apararaq Qarabağı azad edə bilməzmi? Belə olan halda "urus" nə deyib qoymayacaq?

Əlbəttə, bu suallara neçə illərdir "nəhənglər" tərəfindən məhəl qoyan olmasa da, amma Azərbaycan üçün bundan başqa çıxış yolu yoxdur.

Şübhəsiz ki, Dağlıq Qarabağın sülh yolu ilə azad edilməsinə dünyada kim inanırsa və Ermənistanın yeni başçısından bunu gözləyirsə kökündən yanılır.

Baxın, qatı millətçi olan Nikol Paşinyan siyasi baxışlarına görə Ermənistan Dövlət universitetinin jurnalistika fakültəsinin 4-cü kursundan qovulduqdan sonra sağa-sola qələm çala-çala Ermənistanın "başına" kimi gəldi. Doğrudur, onun siyasi savadı az olsa da bəlli olan budur ki, artıq o, öz hökumətinin "başıdır" və bu başın nə qədər boş və ya dolu olmasından asılı olmayaraq onunla baş-başa gəlmək rəsmi Bakı üçün qaçılmazdır.

Çünki "nazibaşı" olan kimi Dağlıq Qarabağa "uçan" Paşinyan bununla bütün dünyaya bəyan etdi ki, Dağlıq Qarabağı müstəqil respublika kimi tanıyır və siyasi baxımdan hörmət əlaməti olaraq ilk səfərini məhz "bu ölkəyə" edir.

Sözsüz ki, Paşinyan "gəmisinin" hansı "limana" - Rusiyaya, yoxsa Qərbə tərəf yan alacağını hələ özünün də dəqiq bilmədiyini güman etmək olar. Yox əgər bilirsə də hələ ki, "ermənilik" edərək gizlədir. Çünki o, hələ mitinqlər zamanı, yəni "nazirbaşı" olmamışdan əvvəl Rusiya Dövlət Dumasının deputatları ilə görüşdən sonra -"Görüşdə Kollektiv Təhlükəsizlik Müqaviləsi Təşkilatı və Avrasiya İqtisadi Birliyi haqqında danışıldı və görüş konstruktiv keçdi. Mən Rusiyadan olan kolleqalarımı inandırdım ki, hakimiyyətə gəlsək, Avrasiya İqtisadi Birliyindən və Kollektiv Təhlükəsizlik Müqaviləsi Təşkilatından çıxmaq məsələsini qaldırmayacağıq" desə də, amma müxalif deputat olan zaman Ermənistanın Avrasiya İqtisadi Birliyinə könüllü yox, məcburi qoşulduğunu deyirdi. Rusiya-Ermənistan münasibətlərini isə "diqtə edən və qulaqasan" kimi səciyyələndirirdi.


Görünür Paşinyan öz ölkəsi daxilində müəyyən islahatlar aparıb "kreslosunun boltlarını" sıxınca, Rusiyanın ağzını bacardığı qədər boza verərək vaxt udmaq fikrindədir. Vaxt udmaq isə ermənilər üçün xarakterik bir xüsusiyyətdir; onlar həm tarixi öz xeyirlərinə saxtalaşdırıb "udmaqda", həm də Qarabağ məsələsində zamanı otuz ilə yaxın uzadaraq, saatları öz xeyirlərinə işlətməkdə mahirləşiblər. 

"Erməniliyin" ömrünün qırx gün çəkməsinə baxmayaraq, Paşinyanın Rusiyanı aldatmasının ömrü heç qırx saat da çəkmədi. Onun məkrli niyyətinin üstünün necə açılmasına diqqət edin; lragir.am erməni saytına müsahibə verən keçmiş deputat, həmçinin siyasi məhbus olmuş Azat Arşakyan deyir:  "Paşinyan taktiki gedişlərdən istifadə edir. O, açıq şəkildə Rusiya imperiyasını hələ ki, narazı salmaq istəmir. Bu, Ermənistanı tədricən müstəqil və azad siyasət aparmaq müstəvisinə gətirəcək. Qarabağ hərəkatı zamanı biz bu məktəbi artıq keçmişik. Çünki Qarabağ hərəkatı da o zaman "Lenin - partiya - Qorbaçov" şüarı ilə başladı, ancaq nəticədə  Ermənistanın 95% əhalisi müstəqilliyə səs verdi. Bu dəfə də belə olacaq. Qərb rus imperiyasına qarşı kəskin rejimdə Soyuq müharibəsini davam etdirir. Bu gedişlə imperiya diz çökərək öz qonşularını rahat buraxacaq. Biz bu istiqamətdə ilk addımı atdıq və mən buna görə fəxr edirəm".

Tarix boyu siyasi şərait güdən və öz çörəkverənlərini arxadan vuran ermənilər bu addımı heç də ağılsızcasına atmırlar, onlar bu məqamı 1828-ci ildən bu günədək "yüz ölçüb bir biçirlər".

Rusiya prezidenti Ermənistanın yeni "nazirbaşına" təbrik teleqramında - "Ümid edirəm ki, sizin hökumətin başında fəaliyyətiniz ölkələrimiz arasında dostluq, müttəfiqlik əlaqələrinin daha da möhkəmləndirəcək, Müstəqil Dövlətlər Birliyi, Avrasiya İqtisadi Birliyi və Kollektiv Təhlükəsizlik Müqaviləsi Təşkilatı çərçivəsində tərəfdaşlıq davam etdiriləcək" yazması, Azat Arşakyanı Paşinyanın "içi" barədə daha da azad danışmağa həvəsləndirib.

Baxın, teleqramın məzmunundan "ürəyi atılan" A.Arşakyan fikirlərini tam çılpaqlığı ilə necə bəyan edir: "Rusiya o qədər zəifləyib ki, hərbi xərclərini azaldıb, o artıq müflisləməyə yuvarlanır, onun uzaq erməni əyalətini saxlamağa gücü yoxdur. Rusiyanın Ermənistandakı kiçik bazası hətta erməniləri ovutmaq üçün heç Azərbaycana cavab verməyə kifayət deyil. Ona görə də Moskva geriyə addım atdı və bu ölkənin məmurları öz çıxışlarında Ermənistanın suverenliyinə hörmət etdiklərini dilə gətirib baş verənlərə "bu, Ermənistanın daxili işidir" dedilər. Amma Rusiya tərəfi Ermənistanla əvvəlki kimi əməkdaşlığın davam etdirilməsinə ümidlidir. Bu isə Ermənistanın yeni rəhbərliyinin Rusiya ilə bağlı olan "layihələrdən" çıxmayacağı bəyanatından irəli gəlib".

Tamamilə eyforiya dumanına düşən ermənilər az qala Rusiyanı onlardan asılı vəziyyətə düşdüyünü zənn edirlər.

Bu arada görün hələ Ermənistan Xarici işlər nazirinin müavini Şavarş Koçaryan nə deyir: "Ermənistanın daha layiqli və əzmkar xarici siyasət aparması üçün ciddi şərait yaranıb. İndi Ermənistanla daha çox hesablaşacaqlar".  

Məlum məsələdir ki, Ermənistanın başına hansı "yan"ın gəlməsindən asılı olmayaraq Dağlıq Qarabağın həll olunması işində hər hansı bir "quş" buraxa bilməz. O zaman xalq onu elə quş kimi yolar. Ona görə də, Dağlıq Qarabağla bağlı Paşinyanın "xod etməsi" təbidir. Sözsüz ki, onun bu "xodu" nəticədə indiyədək ondan əvvəlki "ermənibaşların" "pas" olmalarından heç də fərqli olmayacaq. Yəni münaqişənin həlli istiqamətində gedən danışıqlarda qondarma "Dağlıq Qarabağ respublikası"nın tərəf kimi iştirak etməsi rəsmi Bakı tərəfindən haqlı olaraq həmişə rədd edilib. Əks təqdirdə bu "qondarmanı" tərəf kimi danışıqlara cəlb etmək və ya qəbul etmək Bakı tərəfindən onun dolayısı ilə tanınması demək olardı.   

Amma baş verənlərə digər tərəfdən baxanda görünür ki, inqilabını "məxməri" edən Nikol Paşinyan son bir ay ərzində "erməni ruhunu" Zori Balayandan da çox dirçəldə bildi.

Ermənistanda baş verən bütün gedişatlar onu təsdiq edir ki, zaman heç də Azərbaycanın xeyirinə işləmir. Çünki Dağlıq Qarabağı və ona bitişik olan rayonları əsir saxlayan ermənilər "Qarabağ klanına" dirəşərək özlərinə yeni "hökumətbaşı" seçdikdən sonra ən azı mənəvi baxımdan yüksək əhval-ruhiyyə əldə etmiş oldular. Doğrudur, artıq 30 ildir öz əl-qolunu "qara bağla" bağlayan Ermənistan iri miqyaslı regional layihələrdən kənarda qaldığından nə qədər cabalasa da, iqtisadi baxımdan inkişaf edə bilməyəcək. Çünki bu ölkənin mütləq iqtisadi inkişafı başda Dağlıq Qarabağ olmaqla, Azərbaycanın işğal altındakı digər rayonlarının azadlığından keçir.

Ancaq məsələyə digər tərəfdən baxanda, əgər bugünədək bütün beynəlxalq layihələri şüurlu şəkildə Qarabağa qurban verən ermənilər monopoliya, korrupsiya və rüşvət içində yarıac, yarıtox vəziyyətdə tab gətirib yaşaya bildilərsə, Paşinyanın monopoliyasız, korrupsiyasız, həmçinin rüşvətsiz dövlət quracağı təqdirdə qismən də olsa daha yaxşı yaşaya biləcəklərini güman etmək olar.

Hərçənd, Müstəqil Dövlətlər Birliyi respublikalarının xəmiri sovet korrupsiya mayası ilə yoğrulduğundan və sovetin "əziz" xələfi Rusiya başda olmaqla bu ölkələrin bu gün də "korrupsiya çörəyi" yediklərindən onların "ağız dadlarını" dəyişmək mümkün olmur. Monopoliya, korrupsiya və rüşvətxorluq kimi ağır "xəstəliklər" bu ölkələrin az qala idarəçilik sisteminin tərkib hissəsinə çevrilib. Bu sistemi dəyişməyə cəhd edənləri isə Gürcüstanın eks-prezidenti Saakaşvilinin timsalında "şimal küləyi" göyə sovurub didərgin salır. Bu mənada indi "göylə gedən" Paşinyanın da sonda göyə sovrulması güman ediləndir.   

Yeri gəlmişkən, Rosneftin vitse prezidenti Mixail Leontevin "...ermənilər, rədd olun! Siz bu dünyada bizdən başqa kimə lazımsınız?" deməsi sadəcə Azərbaycan üçün gəlişi gözəl olan söz deyil. Bu sözün arxasında Paşinyanın hələ mitinqlər zamanı öz xalqına bəyan etdiyi - "Ermənistanda monopoliya olmayacaq! Bu təkcə ölkəyə banan gətirən erməni oliqarxlarına aid deyil, həm də Rusiyanın Rosneft və Qazprom kimi nəhənglərinə aiddir" vədi dayanır.

Əlbəttə, siyasət çox "çirkin məsələdir", artıq Rosneftdən bildirilib ki, Leontevin Ermənstan barədə dedikləri kompaniyanın mövqeyi deyil. Bilmək olmaz, bəlkə də Putin mayın 14-də Paşinyanı Soçidə qılığlayaraq "Rusiya monopoliyasını" Ermənistanda saxlaya bildi. Yox əgər bu alınmasa, onda çox güman Rusiya əvvəlki Ermənistanla "vidalaşmalı" olacaq.

Belə olan halda isə Qarabağın azad olunmasında siyasi şəraitin Azərbaycan tərəfi üçün əlverişli olmasını gözləmək olar və Azərbaycan Kremlin məşhur ideoloqu Aleksandr Duqinin - "Rusiya qlobal geosiyasi maraqlarını Ermənistan kimi kiçik bir ölkənin xatirinə qurban verə bilməz" sözünü nəzərə alaraq hərəkətə keçməlidir. Nə qədər gözləmək olar axı, Paşinyan Rusiyanı aldadır, amma Azərbaycanı "urus qoymur".

Nə isə, zaman gedir, qulaqlarımızı öz səsi ilə deşən əqrəblər bizi həm də günbəgün ürəyimizdən "sancaraq" hələ ki, ermənilərin xeyirinə işləyir.

Son olaraq çıxış yolu ona qalır ki, əgər Arşakyanın dedikləri doğru olarsa, Paşinyan "erməniliyini" göstərən zaman rəsmi Bakı bu fürsətdən maksimum istifadə edib Azərbaycan cəmiyyətindəki "urus qoymur" sterotipini sındırıb və dillərdə gülüş hədəfinə çevrilmiş "lazım gəlsə" ifadəsini ermənilərin göz yaşına çevirə bilər.


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Fırtına nəticəsində 17 nəfər xəsarət aldı
15.10.2018, 21:31

Fırtına nəticəsində 17 nəfər xəsarət aldı

Əsgərləri daşıyan mikroavtobus aşıb
15.10.2018, 21:19

Əsgərləri daşıyan mikroavtobus aşıb

QHT Şurası Şəkidə ictimai müzakirə təşkil etdi - FOTOLAR
15.10.2018, 21:05

QHT Şurası Şəkidə ictimai müzakirə təşkil etdi - FOTOLAR

Cüdo üzrə səkkizinci “World Masters” turniri bu şəhərdə keçiriləcək
15.10.2018, 20:53

Cüdo üzrə səkkizinci “World Masters” turniri bu şəhərdə keçiriləcək

HTC yeni model telefonunu istifadəçilərə təqdim edəcək
15.10.2018, 20:41

HTC yeni model telefonunu istifadəçilərə təqdim edəcək

Qanunsuz yolla satışı planlaşdırılan 30 tarixi əsər aşkarlandı
15.10.2018, 20:27

Qanunsuz yolla satışı planlaşdırılan 30 tarixi əsər aşkarlandı

Domen adları sisteminin təhlükəsizliyini qoruyan kriptoqrafiya açarları dəyişdirilib
15.10.2018, 20:13

Domen adları sisteminin təhlükəsizliyini qoruyan kriptoqrafiya açarları dəyişdirilib

Bu il 60 min ton pambığın yığılması planlaşdırılır
15.10.2018, 20:01

Bu il 60 min ton pambığın yığılması planlaşdırılır

Bərdədə 24 yaşlı gəncin meyiti su arxından tapıldı
15.10.2018, 19:40

Bərdədə 24 yaşlı gəncin meyiti su arxından tapıldı

Külli miqdarda narkotik dövriyyədən çıxarıldı
15.10.2018, 19:21

Külli miqdarda narkotik dövriyyədən çıxarıldı

Azərbaycanda kriptoqrafiya açarları uğurla dəyişdirildi
15.10.2018, 19:10

Azərbaycanda kriptoqrafiya açarları uğurla dəyişdirildi

Məmmədyarov ATƏT-in Minsk Qrupunun həmsədri ilə görüşdü
15.10.2018, 18:58

Məmmədyarov ATƏT-in Minsk Qrupunun həmsədri ilə görüşdü

Ölkə başçısı körpələr evi-uşaq bağçasının açılışında   
15.10.2018, 18:50

Ölkə başçısı körpələr evi-uşaq bağçasının açılışında  

Azərbaycan və Ermənistan müdafiə nazirləri arasında görüş olmayıb - RƏSMİ 
15.10.2018, 18:45

Azərbaycan və Ermənistan müdafiə nazirləri arasında görüş olmayıb - RƏSMİ 

İçməli su təchizatı sisteminin və kanalizasiya şəbəkəsinin açılışı oldu
15.10.2018, 18:42

İçməli su təchizatı sisteminin və kanalizasiya şəbəkəsinin açılışı oldu

Astara üçün 10 milyon manat ayrıldı
15.10.2018, 18:35

Astara üçün 10 milyon manat ayrıldı

Lerikdə Bayraq Muzeyi istifadəyə verildi
15.10.2018, 18:34

Lerikdə Bayraq Muzeyi istifadəyə verildi

Prezident Lerikdə bina tikintisinə pul ayırdı
15.10.2018, 18:29

Prezident Lerikdə bina tikintisinə pul ayırdı

2 yeni məktəb tikiləcək -SƏRƏNCAM
15.10.2018, 18:28

2 yeni məktəb tikiləcək -SƏRƏNCAM

Badamdarda evlərin hasarlarının 30 metri uçaraq sürüşmə kütləsi üzərinə töküldü
15.10.2018, 18:26

Badamdarda evlərin hasarlarının 30 metri uçaraq sürüşmə kütləsi üzərinə töküldü

Ağcabədidə piyada ölümü
15.10.2018, 18:17

Ağcabədidə piyada ölümü

Neftçalada avtomobili qəsdən yandıran şəxs saxlanıldı
15.10.2018, 18:14

Neftçalada avtomobili qəsdən yandıran şəxs saxlanıldı

73 dövlət əmlakı özəlləşdirilir 
15.10.2018, 18:09

73 dövlət əmlakı özəlləşdirilir 

Prezident yol tikintisinə 9.2 milyon manat ayırdı
15.10.2018, 18:08

Prezident yol tikintisinə 9.2 milyon manat ayırdı

İlham Əliyev Lerikdə yol açılışında
15.10.2018, 18:03

İlham Əliyev Lerikdə yol açılışında

Cahangir Hacıyev bu dəfə keçmiş deputatla birgə mühakimə olunacaq   
15.10.2018, 18:02

Cahangir Hacıyev bu dəfə keçmiş deputatla birgə mühakimə olunacaq  

Türklər Belçikadakı seçkilərdə üstünlük qazandılar
15.10.2018, 17:59

Türklər Belçikadakı seçkilərdə üstünlük qazandılar

İran Ankaradakı səfirliyi ilə bağlı xəbəri təkzib etdi
15.10.2018, 17:56

İran Ankaradakı səfirliyi ilə bağlı xəbəri təkzib etdi

Bakıda oğurluğa görə tutulan şəxsin digər cinayəti üzə çıxdı
15.10.2018, 17:55

Bakıda oğurluğa görə tutulan şəxsin digər cinayəti üzə çıxdı

Əməkdar jurnalist Yusif Kərimovla vida mərasimi keçirilib - FOTO
15.10.2018, 17:49

Əməkdar jurnalist Yusif Kərimovla vida mərasimi keçirilib - FOTO

Lerikdə elektrik stansiyasının açılışı oldu
15.10.2018, 17:48

Lerikdə elektrik stansiyasının açılışı oldu

“Təhsil Avtobusu-2018” yay məktəbinin təşkilatçıları “Bakcell”i mükafatlandırdı
15.10.2018, 17:44

“Təhsil Avtobusu-2018” yay məktəbinin təşkilatçıları “Bakcell”i mükafatlandırdı

Tramp Dövlət katibini təcili Səudiyyə Ərəbistanına yolladı
15.10.2018, 17:32

Tramp Dövlət katibini təcili Səudiyyə Ərəbistanına yolladı

Koçaryan Ermənistandakı seçkilərə hansı formatda qatılacaq?
15.10.2018, 17:29

Koçaryan Ermənistandakı seçkilərə hansı formatda qatılacaq?

Prezident İlham Əliyevin aqrar siyasəti 15 ildə   
15.10.2018, 17:23

Prezident İlham Əliyevin aqrar siyasəti 15 ildə  

Binəqədidə “15 ilin zəfər salnaməsi” adlı tədbir keçirilib - FOTO
15.10.2018, 17:16

Binəqədidə “15 ilin zəfər salnaməsi” adlı tədbir keçirilib - FOTO

Manatın kursu dəyişir? - MƏZƏNNƏ
15.10.2018, 17:09

Manatın kursu dəyişir? - MƏZƏNNƏ

Daşqınlar 13 fransızın həyatına son qoydu
15.10.2018, 17:04

Daşqınlar 13 fransızın həyatına son qoydu

Badamdardakı sürüşmə zonasına mobil seysmik stansiyalar quraşdırıldı
15.10.2018, 17:02

Badamdardakı sürüşmə zonasına mobil seysmik stansiyalar quraşdırıldı

“Brain Ring” izlə, “Nar”-dan hədiyyə qazan! 
15.10.2018, 16:56

“Brain Ring” izlə, “Nar”-dan hədiyyə qazan! 

Cəlaləddin Qasımovun iki filmi beynəlxalq mükafat aldı
15.10.2018, 16:50

Cəlaləddin Qasımovun iki filmi beynəlxalq mükafat aldı

Badamdardakı sürüşmə evin hasarını uçurdu
15.10.2018, 16:36

Badamdardakı sürüşmə evin hasarını uçurdu

“Ölkə başçısı yenə səfərdədir, yenə xalqla görüşür”
15.10.2018, 16:33

“Ölkə başçısı yenə səfərdədir, yenə xalqla görüşür”

Prezident Lerikə gedib
15.10.2018, 16:20

Prezident Lerikə gedib

Dövlət Departamentinin eks-spikeri Paşinyanı biabır etdi
15.10.2018, 16:12

Dövlət Departamentinin eks-spikeri Paşinyanı biabır etdi

İlham Əliyev Astarada dənizkənarı park-bulvar kompleksinin ikinci hissəsinin tikintisi ilə tanış olub
15.10.2018, 16:05

İlham Əliyev Astarada dənizkənarı park-bulvar kompleksinin ikinci hissəsinin tikintisi ilə tanış olub

Almaniyada naməlum şəxslər insanları girov götürüb
15.10.2018, 15:58

Almaniyada naməlum şəxslər insanları girov götürüb

Novruz Aslan: “Ən böyük problem ruhdan düşməyimizdir” - MÜSAHİBƏ
15.10.2018, 15:57

Novruz Aslan: “Ən böyük problem ruhdan düşməyimizdir” - MÜSAHİBƏ

Pensiyalar artıb – RƏSMİ
15.10.2018, 15:55

Pensiyalar artıb – RƏSMİ

İsveçrə azərbaycanlılarının rəhbəri: “Dəyişiklikləri görmək üçün vaxta ehtiyacımız var” - MÜSAHİBƏ
15.10.2018, 15:51

İsveçrə azərbaycanlılarının rəhbəri: “Dəyişiklikləri görmək üçün vaxta ehtiyacımız var” - MÜSAHİBƏ

ARXİV